სიმაღლე - 2.5 მეტრი...
სახლიდან ქარხნამდე და უკან,
მანძილი - 400 მეტრი,
სუფთა ჰაერი სრულიად საკმარისია,
თანაბრად გაკრეჭილი გამწვანების ზოლები,
ზრუნავენ მშრომელების ჯანგბადით მომარაგებაზე...
შესვენება ერთი საათი,წვნიანი საოცრად ჰგავს,
ყველა სხვა წვნიანს,
რომელიც წითელი, მაჯებამდე შეკრული ხელებით მზადდება...
ექვსი საათი,
დაბრუნება იმ ადგილას საიდანაც დაიწყო დღე,
სიმაღლე - 2.5 მეტრი...
თავშესაფარი რომელიც არ არის სახლი...

ტელევიზორი აჩვენებს....
აჩვენებს მხოლოდ ერთ არხს...
იქ შვილებს უკეთებენ ყელსაბამებს...
ვესტერნის გმირი, ცდილობს დააღწიოს თავი ყულფს....