ნუთუ ღია დამრჩა? თუ გასაღები იპოვნა?არადა, სულ თან ვატარებდი! რას ეძებდა ნეტავ? ჰმ! ეგონოს,რომ ვერაფერი შევამჩნიე.ისე რა სიფრთხილით შეხებია ყველაფერს! სულელი...მე ხომ მისი სურნელი ვიცი.. ყნოსვა-გადასარევი მაქვს,ნებისმიერ მაძებარ ძაღლს შეშურდება,დაავიწყდა,ან  ჩქარობდა-არ მომესწრო.ადრეც ასე არ იყო?ჩემი ფიქრების ზარდახშას დაეინტერესებინა,ალბათ გახსნაც სცადა-რა მიამიტი ვეგონე! ღიას დავუტოვებდი? მე კი მივხვდი-ოდნავ,მაგრამ მაინც გადაადგილებული დამხვდა...
      ნეტავ დამენახა მისი სახე, ყველაზე თვალსაჩინო ადგილას უზარმაზარი სიყვარული რომ დაინახა,(რას დაასხამდა ცივი ოფლი!)
      კარგად გადავხედო აქაურობას,უცილობლად რაღაც სჭირდებოდა,თორემ  ისე არ ახასიათებს დაუკითხავად მოსვლაც კი..თუმცა პირველად  რომ მესტუმრა ის დამავიწყდა!ისე,სიმართლე უნდა ვთქვა  დააკაკუნა,რას ვემართლები,თავხედი არ არის(ისევ ვამართლებ)
            ეჰ,მონატრება...ლამის შევაბერდით ერთმანეთს,არადა არ მიხდება,თვალების სითბოს მიხუნებს თითქოს,ვერც ველევი-თითქოს შიშველი ვარ მის გარეშე.
            აი ჩემი მოფერება.ნუთუ მე შევჩურთე ასე დაუდევრად? კარგა ხანია არ დამჭირვებია, ალბათ ამიტომ.
            როგორ გალეულა ჩემო მოთმინება,გაცრეცილა.არაფერი უშავს,ისე დავკემსავ -ვერავინ შეატყობს,თან მის კუთხეში მიქარგული სი ნა ნუ ლი  შეიცვლება  სი ხა რუ ლი-თ. ადრე როგორ ვერ მოვიფიქრე??
            მე თვითონ მიკვირს საიდან ამდენი ალერსი? რამდენი გავაჩუქე,არ მენანება,ვარიგებ ხელგაშლილი,მაინც ბლომადაა.თუმცა,"მიეცი და მოგეცემა"-ო მართალი ნათქვამია.
            რა ქ ა ო ს ი ა ,ნუთუ მე ავურიე ასე? შესაძლებელია,ჰოროსკოპით ტახი(ღორი) არ ვარ?
რაღაც მესაკლისება და ვერ ვხვდები კი რა!
          თავიდან გადავავლო თვალი:
        სიყვარული-ადგილზეა! კიდევ კარგი,გემოვნება ერთნაირი არ გვაქვს(გვაქვს,მაგრამ არ იმჩნევს),თორემ მაშინვე მი(მ)ითვისებდა!
        მონატრება,მოფერება -ჩემი არ სჭირდება ბევრჯერ თავისიც მე მომიტანა,მაჩუქა.

        მოთმინება-თავისიც თავზე საყრელი აქვს.

        სინანული-დასჭირდება და ცოტა ხანი დავუთმობ, ძუნწი კი არ ვარ? უნდა მივეხმარო-როცა თვითონ ვერ პოულობს.

        სიხარული-რამდენი უჩუქებია,ახლა გადავთვალე...

      ერთგულებისკენ არც გაუხედავს-არ ახასიათებს(მას ასე ჰგონია,არადა პატარა ბავშვივით სუფთა გული აქვს)

        ალერსი ბევრი მქონდა-აჰა,აუღია რამოდენიმე...,შეარგოს ღმერთმა!(ეთქვა,ჩემით გავატანდი)

        წერილს დავუტოვებ-თუ კიდევ გაბედავს მიუახლოვდეს....
 
    "რასაც შენ ეძებ-მივხვდი,მაზოხისტო! ტანჯვას,ხომ მართალი ვარ?  შენ მაჩუქე და... ,გინდა დაგიბრუნო?
 
        ნუღარ ამომიტრიალებ, ეს ჩემი გულია-გასაღებს გიტოვებ,  ( თუმცა შენ შენიც გაქვს), წაიღე რაც გსურს! ტანჯვას ნუ ეძებ-თან მაქვს!"
                                          შენი სადისტი....