დიდი ხანია რომ აღარ წერ,
არც გაქვს სურვილი
ერთი შეხედვით,
სათქმელიც რომ აღარ გაქვს, თითქოს,-
გეფიქრება, რომ უდიდესი
ძალა აქვს სიტყვებს.
არშესრულებულს  კიდევ მეტი -
დამანგრეველი.
მე უფრო მეტად
მათ ძალას და მათ არსებობას
დღეს ნაბიჯები
დამაჯერებენ.
მოგცემენ სიტყვას, -
ხელში დაიჭერ;
შუქზე გახედავ...და არაფერი.
გამჭირვალე და სიფრიფანა
თეთრი ნაჭერი.
დღეს უფრო მეტად
მათ ძალას და მათ არსებობას
მე ქმედებები
დამაჯერებენ.