ზღვა ისე ღელავს დიოსკურიის,
რომ კიდევ დიდხანს არ დამშვიდდება.
მაწვალებს მისი ნახვის სურვილი,
სოხუმის ჩრდილში ყოფნა მინდება.

მინდა ვუმღერო მე ჩემს აფხაზებს
და სიყვარულის სანთლად ავენთო.
ვიდრე ვარსებობთ ამ ქვეყანაზე,
არ მსურს ვიცხოვროთ უერთმანეთოდ.

იუდას ვერცხლი ღმერთმა გვაშოროს,
მჯერა: მოხდება დიდი შეკრება.
ჩვენ ერთი ცა გვაქვს, ერთი სამშობლო
და მომავალიც ერთი გვექნება.