ერთგულებისთვის მოვედი,
მძულს ორგულობა, ღალატი,
ერთგულებაა ამქვეყნად
დიდი ნიჭი და ტალანტი.

მკერდქვეშ რომ მიცემს უწყვეტად,
მთასავით სუფთა გულია...
იმას ერთგულობს მარტოდენ,
რაც მისთვის ღირებულია.

იმ ადამიანს აფასებს,
ვინც არის მართლა ერთგული...
ვისაც საკუთარ რწმენისთვის
თავი აქვს გადადებული.

მაშ, გაუმარჯოს ერთგულ ხალხს,
წმინდა გიორგი სწყალობდეს...
და მგალობელი ფრინველი
სასიამოვნოდ გალობდეს.