გვიხმობს, გვიხმობს, მცხეთა გვიხმობს, ერთგულ შვილებს მოგველის,
გვხიბლავს ჯვრის მონასტერი და გვხიბლავს სვეტიცხოველი.

მდიდრები ვართ ეკლესია-მონასტრებით, გმირებით,
წინ მივიწევთ ღვთის მადლით და ჩვენი გამოცდილებით.

მსურს: ვესტუმროთ მცხეთას ისევ, თუმც სტუმრები არა ვართ,
მეც მივყვები სამშობლოში სიყვარულის ქარავანს.

ვიდრე პირში სული გვიდგას, ვიდრე გვიჭრის მარჯვენაც,
გულიც ლოცავს ჩვენს ამქვეყნად ქართველებად გაჩენას.