მენატრება სიჭაბუკის წლები,
სკოლისა და სტუდენტობის ხანა,
კვლავ წინ მიდევს ,,უქარქაშო ხმლები“,
მტკივა ოშკი, ხახული და ბანა.

ლექსებს ვუწერ პირველ შეყვარებულს,
მენატრება მშვენიერი ანა...
გულიც ლოცავს ჩემს მიერვე ქებულს,
ჩვენც ვისმენდით დედის იავნანას.

მე იმ წლების გახსენება მიყვარს,
ჩემთვის იყო ბედნიერი ხანა...
ვიდრე ვცოცხლობ, ვამბობ მართალ სიტყვას,
გულწრფელი ვარ მე ჩემს სათქმელთანა.

2025