ლექსი გავყიდე,
ჩავპრესეთ ასე,
პრაგმატიზმის ვიწრო ჩარჩოში.
ხელშეკრულებაც გავაფორმეთ,
ორმხრივადაც ხელი იქნა მოწერილი,
რომ პროდუქცია მივაწოდე
მავანს და მავანს.
ნეტავ ვიცოდე, შენ, ვინც იყიდე,
ეს ცხელი და გაურკვეველი
გემოს ნაწარმი,
მცირედით მაინც დაიპურე მშიერი  სული?
თუ, დარჩა შენთვის
ქაღალდზე დატანებულ
შავ ლაქ-პწკარებად?

კი არ გავყიდე,
დუღილისგან რომ  ჭურჭელი
არ გაეხეთქა,
ჩემი გული, თხლად დაჭრილი
სამზეურად გამოვაფინე.