ნუ გაოცდები-
          თუკი ერთხელ
შენდობას მოგთხოვ!
ნუ გაოცდები-
          თუკი დაგიკრეფ
ლამაზ გვირილებს!
        ღმერთს ვევედრები-
ტანჯული გულის
          ჩუმი სიმღერა
არ გაგეცვალოს
          წუთიერად....
          ცბიერ ღიმილზე!
ფიცი გავტეხე-
            მაინც შეგბედე
სიტყვა გრძნეული.
          მე მჯერა ღმერთის.
მისი რწმენის სიწმინდე
            მათრობს!
გემუდარები...
            ნუ გაოცდები....
და ნუ გამკიცხავ-
            ტანჯული გული თუკი
თავის სიცოცხლეს განდობს!
გემუდარები....
            დაიფარე....
ავი თვალისგან
            სული ტანჯული-
თორემ მოკვდება...
            სამუდამოდ დახუჭავს
თვალებს!
            თუ გაგიღიმებ
და გაგაოცებ-
            შენ არ იფიქრო-
გული იცინის.
            ის იტანჯება....
მარადიულ სამარეს ითხოვს!
            მე მაპატიე-
თუკი კიდევ შეგბედე სიტყვა...
              ლექსი არ გიყვარს?
მაგრამ მაინც გიმღერე წმინდად!
            ბედთან თამაშით
ჩვილი გული იღლება თითქოს....
            ნუ იტანჯები!...
და ნუ დატანჯავ გაგებას-
            წმინდას!....
              შენ  ნუ იფიქრებ-
დაღლილმა გულმა-
              იცოცხლოს დიდხანს!