სასწრაფომ მომაკითხა ჟღერადი ნათებით,
მომტაცეს საყდარს,
მოკვდავთა შორის აკვანი მარწევს
და ჭერს ვუღიმი მე გულმოკლული უკვდავებისგან,
ვიცი ადრეა, რომ გაუხარდეს
უკან მდგარ აფთარს,

თეთრი ექთანიც ვერ მიხვდება მიზეზებს მსხვრევის,
ჩემს გაოფლილ ტანს ის წყევლიდა მედიკამენტით.
შენ არ იდარდო,
მე ხვალაც მოვალ თქვენს ჰოსპიტალში,
მე ხვალაც მოვალ...
წვიმიანი დღით;
სიყვარულით;
სევდით;
ამინდით...

საყდარში მჯდარი
კვლავ ვაგრძელებ სამოთხის ძერწვას,
არ გამაღვიძო! დედა გამიშვი ვახარო სული...
მე აღარ მესმის არაფერი მჟღერი ნათების
და გავეშურე რომ დავიბრუნო ციური რჯული.

თქვენ კი დაბლობზე განაგრძეთ ხოხვა,
მე ხვალაც მოვალ თქვენს ოცნებაში
მე ხვალაც მოვალ...
წვიმიანი დღით;
სიყვარულით;
სევდით;
პალიტრით;
მომბეზრდა ძალზედ სიმარტივეში ბრბოს გვერდით დგომა,
მე აღარ მოვალ, მე აღარ მოვალ,
თქვენ კი ატირდით...



2007 "Beverly Hospital”