ღრუბლებს ებრძვის მზის სხივები...
-უნდა გული გამითბოს...
ღამეს ებრძვის გარიჟრაჟი-
უნდა ძილი დამიფრთხოს..
ცრემლებს ებრძვის ღიმილები...
გულის მურაზს გაგანდობთ:
"ლამაზია იმისათვის-
კოცონი რომ დაანთოს".
სიხარული, აღტაცება
უნდა ცეცხლში გააწრთოს.
აყვავილდეს... აბიბინდეს
და წალკოტად გადიქცეს.
ცის ტატნობზე მზე ბრწყინავდეს...
მისი სხივი მათბობდეს!
მინდვრის ყვავილთ სურნელება
სიყვარულით მათრობდეს!
ღამით მთვარე მინათებდეს.
მამშვიდებდეს...მატკბობდეს!
შენი სუნთქვა-სათნოება
გვერდით მყავდეს..მაწრთობდეს!
შენი ნაზი გამოხედვა
საიდუმლოს მანდობდეს!