მარაზმი

მზე მინდა იყოს რომ დავჯდე ჩრდილში,
ძალიან კარგია ჩრდილი.
იცით რა მაგარია?!
მინდა თევზაობა მიყვარდეს,
მე თევზი მიყვარს.
თევზი ასწორებს.
განდომებს ლუდს,
ამარცხებს კუჭს.

ნუ მომკლავთ, მკვდარი ვარ,
ვერ მომკლავთ, არ მცალია,
მაკოცეთ, რა კარგია,
მაკოცეთ, მაგარია.

ყველას ვინც ზემოდან ვარდება ნუ დაიჭერთ,
რადგან ზოგი ისეთი მძიმეა, გაგსრესთ..

ფერადი ძაფები გააბით გზადაგზა,
ყვითელი გაწყვიტეთ, ყველანი მზადავართ.
რა დარჩა მწვანე? თუ ისევ ყვითელი?
გაჭერით შვაზე * !!!

* შვაზე - შუაზე.
__________________________________________

გველის აღსარება

მე გველი ვარ შენთან შემოვსრიალდი,
თავმომწონედ ვცოცავ, მოგიახლოვდი.
დავსისინებ ჩუმად ჩემთვის, მალულად,
დავსრიალებ არც თუ ისე ფარულად.

ნუ გეშინია არ ვიკბინები,
ეს ჩემი შხამი სამკურნალოა,
სიტყვას არ ვიტყვი, პირს არ გავაღებ,
ბრძენი ვარ, ღმერთი გფარავდეთ!!!
__________________________________________

ფრთოსანო ანგელოზო

შევნიშნე შენი ნაკვალევი შორიდან
შენივე კვალზე აბიჯებდი...
ის ღამე თეთრად ანათებდა დილიდან,
იმ ღამეს შენთან მოვდიოდი...
გაისმა უეცრად ლამაზი ბგერები,
ხედები თეთრი გედები,
ვხედავდი რომ კვლავ მიმღეროდა
და მეც ვუსმენდი...
მიწაზე დაცემულს ვხედავდი
გრძნობისგან დაცლილს
ფრენასაც ვეღარ ვბედავდი..
გაოცებისგან მეც გავოცდი,
და ვიოცნებე..
ჩემო ფრთოსანო ანგელოზო...
__________________________________________

სიმპათიური ჩეჩენი

გულამომძვრალი, ხახამშრალი, დაიარება,
გასაპარსი და ქედმაღალი შავი ჩეჩენი,
წარბშეკრული და გულითადი მეგობარია,
ეს ჩვენი გმირი, სიმპათიური შავი ჩეჩენი...

სიტყვებს ნუ ითვლი, ფრაზებს,
უფრთხილდი ჩეჩნის ვაზნებს,
იცოდე უთუოდ გავნებს,
გაგაშვებინებს გაზებს..

პოეტურ სულში, ჩეჩენი მღერის,
მოთხრობის სტილში...
მოდის, უფრთხილდით,
შეიყვარეთ, შავი ჩეჩენი!
__________________________________________

დაღლილი ძაღლი

როდესაც ფიქრები თავისთვის მღერიან,
სზმრები ნათელი, რაღაცას ელიან,
მდინარე ლურჯია, სამყარო ვრცელდება,
დღემდე არ ახსოვს, სხვას არ ედრება,
ბერდება ყოველი, კაცი თუ ზღარბი,
ჩერდება პირველი, მეორე გარბის,
ფურცელზე წერია უაზრო სიტყვები,
აზრი ნათელია, ჩერდება ფიქრები,
ალბათ ოდესღაც ძაღლი ვიქნები.
                დაღლილი ძაღლი...
__________________________________________