არსებობს მომავლის პოეზია?
                                          ელოდეთ სიურპრიზებს მომავალში!

Страна Дураков
(სულელთა ოქრო)

«Дурная голова ногам покоя не даёт!»

რაც ბრწყინავს ყველაფერი ოქრო როდია,
ოქროს ხეს განა აღმოვაცენთ
Крекс, Фекс-ი, Пекс-ით,
და განა ზოგი მოპოეტო-მეპაროდიეს
პროდუქციაა ჭეშმარიტად ხალასი ლექსი?!

რაც ლექსს გავს, ყველაფერი ლექსი როდია,
გინდაც ბრწყინავდეს გარითმული სიტყვა ბჟუტური
და პოეზიის მობრძენკაცო-მეპაროდიეთ
პროდუქციაა მარტოოდენ ბიჟუტერია.

27/XI/2009


მე არა ვარ გენიოსი

"გეჰენია ცეცხლისა" (მათე 5,22)


მე არა ვარ გენიოსი,
ხოლო სიტყვა „გეჰენია“
მარადიულ ცეცხლსა ნიშნავს
აფთარ კაცთა - გიენების!


28/XI/2009


* * *
მე შენ შეგპირდი ერთ რამეს, თვარა,
შენ მოთმინების აღმივსე თასი!
როგორღა განდობს ღმერთი ცხვრის ფარას,
თუ ერთგულების არ იცი ფასი?!



ბეთლემის ვარსკვლავი
(მწყემსთა გალობა)

„რამეთუ თესლი წრფელთაი კურთხეულ არს“ (დავითის ფსალმუნიდან)
„ღმერთი უფალი და გამოგვიჩნდა ჩვენ,
კურთხეულ არს მომავალი სახელითა უფლისათა“ (საეკლესიო საგალობლიდან)


კურთხეული არს თესლი წრფელთაი
და წუთისოფლის ჭირისუფალი,
კურთხეული არს,
კურთხეული არს
დავითის თესლი
- წრფელთა უფალი!

28/XI/2009


იუმორესკა

მუზას ვიძახებ სამ დღეში ერთხელ,
სპირიტუალურს ვმართავ სეანსებს...
მოვა? არ მოვა?
მოვა? არ მოვა?
- დამასპონსორებ-დამაფინანსებს?!

28/XI/2009


პოეტი

ო, როგორ მინდა აღვუმაღლო მე გემოვნება
ცოდვებისაგან დამძიმებულ ადამიანებს,
ხოლო მათ, ვისაც უსასრულოდ დაუქვეითდათ,
ვერას ვუშველი,
ყიყინი კი - დამაზიანებს!

28/XI/2009