სხვა არ მინდა ახლა მეტი,
მხოლოდ ერთი... ვგავდე ტირიფს,
თუნდაც ვიყო ისე შტერი,
ვუნდებოდე მუდამ ტირილს.

ღია მწვანე კაბა მეცვას,
და მხრებს ვხრიდე, როგორც რტოებს,
ჩუმად ვჭვრეტდე მაღლა ზეცას,
დაბლა ჩრდილად ვშლიდე ნოხებს.

სიყვარულის მქონდეს ნიჭი
და მის გარდა არა მსურდეს,
სულ მახსოვდეს ერთი ფიცი_
გავყურებდე მუდამ შუკებს.

სხვა არ მინდა ახლა მეტი,
მხოლოდ ერთი, ვგავდე ტირიფს,
ყვავილების მქონდეს თმები,
არ ვიშლიდე მუდამ ტირილს...