სახლი.
აქა-იქ ვარდისფერი საღებავის ნაშთი.
მარცხნივ ბუხარია,
ალბათ ადრე ცეცხლი ენთო,
ნახშირის კვალი არსად არ არის.
ბუხრის თაროზე (თუ რაც ქვია),
გატეხილი საათი, დრო 00:00.
კალენდარი კედელზე კიდია,
ანუ კედლის კალენდარი.
თარიღი: 31 დეკემბერი, წელი 20**...
დანარჩენი წაშლილია,
ტელევიზორზე თოვლის ბაბუს თოჯინა დევს,
ტელევიზორის გვერდით ნაძვის ხე,
დამტვრეული სათამაშოთი.
ნაძვის ხე გამხმარია.
მაგრამ სიყვითლეც უხდება...
რატომღაც თბილა ამ სახლში.
ცუდი ახალი წელი არ არსებობს.