ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

შუბლგახვრეტილი ბერეტის ფონზე,
დაბოღმილი მოხუცი,
ჭუჭრუტანიდან უყურებს,
როგორ ეფერება საიმონი თავის ახალგაზრდა ცოლს,
აღარ უნდება, მაგრამ დორბლი ჩამოსდის დამჭკნარ ნიკაპზე,
შვილის საჯდომი სინქრონულად მოძრაობს,
სანამ ლილიანის კვნესა ბიწიერ ფიქრებს უღვიძებს,
ბებერ რალფს,
მკერდში ათქვეფილი გრძელი თითები,
ისეთივე სასიამოვნო საცქერია,
როგორც ვაგნერის შესრულებისას იყო,
ათი წლის წინ,
მაშინ ამაყობდა თავისი ნაყოფით,
და ახლაც,
მასთან ერთად შეიგრძნობს სხეულის სუნს,
ჭრელ ზეწარზე.
ფანჯრიდან შემოპარული მზის სხივი,
ყვითელ ფენად ედება ხორბლისფერ თეძოებს,
ცხრა თვეში რალფი უმცროსი დაიბადება,
ეს დამპალი ოცდამეერთე საუკუნე,
რამდენი დრო გავიდა...