ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

ახლა ქარსაც და ქარაშოტსაც ერთი ფასი აქვს, -
ბებიაჩემმა, - ეს ცხოვრებაც ისე მიქრისო...
ადრე სხვა ქარი მიწეწავდა თმას და ხასიათს,
ახლა მკლავსო ქარი - ნიკრისის.

ამასობაში შენ მოდიხარ, არა, მოღელავ!..
მე თავს (ორივეს) ძლივსღა, მაგრამ მაინც ვიკავებ...
ბებიაჩემი ჰყვება ვიღაც ყარაჩოღელზე, -
მომყავს ხელკავით...

შენს ყურებაში გამოყლევდა უბნის შერიფი,
(ჩვენთან ხან ხუტას ეძახიან, ხან ხუტა უფროსს), -
კი, მართალია, მარტი იცვამს ძალზე შილიფად,
მაგრამ შენ უფრო!..