საფერფლე გადაივსო თამბაქოს ნამწვავებით,
კვამლით დანისლული რითმები მოგორავენ,
ტვინში ტკივილისგან მარცვლების ეშაფოტი
გულში კი - უშენოდ (დაცინვით) მწირავენ.

ზიხარ! ღრუბლისფერი თვალებით უმეტყველო,
ჟანგბადს ცრემლნარევი მირონი შეერია,
ქუჩის მუსიკოსი - ქუდში (თავჩარგული)
სევდა გიტარაზე... ცხოვრება ლაფსუსია -

რომელიც მედიატორს ისე აჟღარუნებს,
თითებს აკორდები სისხლში გაჰპარვია,
გამვლელ-გამომვლელის ხასიათი - ბაცი
სულის ფენომენი აქ ხომ „არშიყია?!“

ბუნება ზნედაცემით - დეკოლტე მოღეღილი,
ვარდისფერი გრიმით დილა იძერწება...
კაპილარგაყინული თვეები დამიზავდნენ -
უშენოდ დედამიწა წამით შეჩერდება!