საღამო ჟამზე
მომწიფდება ზეცას ვარსკვლავი
მე გადმოგხედავ
სიყვარულზე არაფერს გეტყვი,
როცა ყველაფერს დავალაგებთ საკუთარ თავში
ახალი წლიდან შემორჩენილ ნაძვის ხეს
დავშლით..
საღამო ჟამზე
სიმშვიდიდან გამოვიტყუებთ,
ჩვენს გრძნობებს
ერთად გადაჯაჭვულს ემოციაზე
არაფერს ვამბობ,
შენ კი იცი ჩემი სიჩუმე
ხელუხლებელი პეიზაჟის ანალოგია..
მე გთხოვ
უეცრად შემომხედე ურჩი ბავშვივით,
ამ წამზე, ალბათ, ვოცნებობდი დაბადებიდან
სასაცილოა, როცა სხვები თვალს გვადევნებენ
ჩვენ სხეულებით უცოდველად
ავლაპარაკდით..
საღამო ჟამზე,
მომწიფდება ზეცას ვარსკვლავი,
მე გადმოგხედავ,
სიყვარულზე არაფერს გეტყვი
რა საჭიროა, საახალწლოდ მოვრთოთ გრძნობები
როცა ყველაფერს ლოგიკური
დასასრული აქვს..