უფალო, აი შენამდეც მოვედი...
მაგრამ, დამჭირდა დრო უფრო მეტი.
ვიდრე მოვცილდი შენს სათნო კალთას,
ვიდრე მე გავხდი შენივე ხატი.
  მეძახდი უფალო? აი, მეც აქ ვარ!
  გთხოვ მომიტევო ცოდვები ჩემი.
  ისევ მიმიღე ვარსკვლავთა შორის
  და დამიბრუნე ადგილი ჩემი.
როგორ ვარ? ისე როგორც ვიყავი უწინ,
კვლავ სევდიანი, კვლავ სიტყვა ძუნწი.
ისევ ვსვავ, ისევ თამბაქოს ვეწევი
და ისევ გნახე სიზმარში გუშინ.
  უფალო, აი შენამდეც მოვედი...
  მაგრამ დამჭირდა გზა უფრო მეტი.
  ვცადე, ვიარე შენი რჩევებით,
  რათა მე მეცნო ადგილი ჩემი.
გთხოვ, მაპატიე ყოველი ცოდვა,
გახსენ ეგ შენი მდუმარე სახე,
ნუ მისმენ ჩუმად, მითხარი რამე
ისმინე ცოდვილის მდუმარე ბოდვა.
  როგორ ვარ? ისე როგორც ვიყავი უწინ,
  კვლავ სევდიანი, კვლავ სიტყვა ძუნწი.
  ისევ ვსვავ, ისევ თამბაქოს ვეწევი
  და ისევ ისე სიმარტოვე მკლავს.