ოცნებასავით გამჭვირვალეა ზეცა...

ოქროსფერი აქვს დღეს შენს თმებსა და... მზესაც

კი ფარავს ეგ ღიმილი, ხოლო თვალები...

მათ სილურჯეში ვიძირები და ვიმალები...

ტალღებს მიაპობს ჩვენი პატარა ნავი...

მხოლოდ ორნი ვართ... ორი ეული...მგზავრი,

რომელიც სასწაულებს მოელის მუდამ

და ცდილობს ყველას დაუბრუნოს სიკეთის ხურდა...

ეს მე ვარ - ხოლო შენი ფიქრები ჩემზე

სულ სხვაა მუდამ... რაღაც სიახლეს ეძებ...

ცდილობ შემცვალო, მომაქციო ალბათ ჩარჩოში

და მე ვიცინი...შენ კი უკვე ყელში ამოგდის

ეს ზღვა უსაზღვროდ ვრცელი... და ჩემი სევდა..

გინდა, რომ უფრო ახლოს მივიდეთ მზესთან...

და მერე ერთად გადავსხვაფერდეთ... ცაში

გინდა გავფრინდეთ , როგორც ოდესღაც...მაშინ...

ოცნებასავით გამჭვირვალეა ზეცა...

ოქროსფერი აქვს დღეს შენს თმებსა და... მზესაც

კი ფარავს ეგ ღიმილი, ხოლო თვალები...

მათ სილურჯეში დღეს თავიდან დავიბადები...



28. 06. 2010