ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

მომაწევინე, თუ ჩემი ძმა ხარ!
იქნება კვამლში დავახრჩო მუზა
თორემ ამ ბოზმა თუ განიზრახა
ლექსებს შემტენის, ვერაფერს ვუზამ.
არ დაიჯერებ, მომწყინდა უკვე,
ეს ბანალურად მრგვალი სამყარო,
ერთფეროვნების არ ვყლაპავ ლუკმებს,
არც იარაღი არ მსურს დავყარო.
არ მსურს და მაინც დროს ფუჭად ვღუპავ,
მომბრზრდა, თუმცა ვთამაშობ მოცლილს,
სიცოცხლეს, როგორც კონიაკს ვწრუპავ,
კონიაკს, როგორც სიცოცხლეს ვკოცნი.
იღბალმა ისევ კარტი ჩამიწყო,
ყველა წითელ ხაზს ჯიუტად ვლახავ!
ჭკვაზე რიგება შენც არ დამიწყო,
მომაწევინე თუ ჩემი ძმა ხარ!