მე, ბათუმის ზღვას ვუამბე ჩუმად
ურაკპარაკზე რაც დამემართა,
მეორე ლექსი ჩამივარდა და
კომენტარებში რაც გაიმართა.
ნუგეშის ნაცვლად გამაკრიტიკა,
მითხრა-მოგწერეს რაც დაინახეს,
ახალბედა ხარ, ყველასთვის უცხო,
შენ მათ რიგებში ვერ დაგინახეს.
მე კი ვუთხარი არ ვარ პოეტი,
დავწერე მხოლოდ რაც შემიძლია,
ისე დაწერა როგორც სხვები წერს,
არც მიცდია და არც შემიძლია.
ჰოდა დაწერე როგორც გინდოდეს,
საიდუმლო კი მხოლოდ ერთშია,
მთავარი არი როგორიცა ხარ,
შენს ლექსებსა და შენს სიტყვებშია.

ახლა მოგმართავთ ჩემზე ძლიერებს,
ნუ მაკრიტიკებთ როგორც გამოცდილს,
შემხედეთ როგორც დამწყებ რაღაცას,
სტრიქონებიდან ძალაგამოცლილს.
არავის არ ვთხოვ არაფერს ზედმეტს,
მეგობრობას გთხოვთ და დარიგებას,
თუ ვინმე ჩაწვდით ამ ჩემს ნაწვალებს,
ყველა ხელს აწერს ამ გარიგებას.

დანარჩენი კი მხოლოდ თქვენზეა,
ახლა მსურს მხოლოდ გისურვოთ ერთი,
მე გამოცდაზე მაგვიანდება,
გფარავდეთ ყველას მაღალი ღმერთი.



                                                        26-08-2010
                                ბათუმის საერთაშორისო აეროპორტი 

                                          ''გამოცდაზე შესვლის წინ''