სიცხემ აუწია დედამიწას,
მწუხრი გარინდება დალიცლიცებს
(ახლა უშენობა ისე მიტანს)
როგორც აცრემლებულ რუს ლილიებს -

სიცხემ დაუხეთქა ბაგეები...
მიწაც დამძიმებულს გაჰკიოდა
ტაძარს მიკედლებულ ნარგავებში
თითქოს შენი ლანდი ენთოს! ჰოდა -

მთვარე ისე არის მოლიპული,
(ჩვენ)ქვეყნიურია  გეგონება,
ხატად დაწერილი სიყვარული
უფრო ოცნება და... შემოდგომა -

კრთება ჭადრებს მიღმა მოწეული
(ღამის სურნელია სათაყვანო)
ყვავილაფეთქებულ ბროწეულებს
სუნთქვა დავუკოცნოთ ამ საღამოს!

რეკენ სამრეკლოსთან თოლიები
(დგება... ბინდისფერი რეალობა)
ტაძარს მიკედლებულ ნარგავებში
მრევლთა გალობაზე მეღვიძება...