სანამ ცისკარი მახვილივით აინთებოდეს,
სანამ კოცონი სიყვარულის დაინთებოდეს,
სანამდის გული სანთელივით დაიწვებოდეს,
სანამდის სისხლი ველ-მინდვრებზე დაიღვრებოდეს,
სანამდის სავსე დოქ-ჯამები დაიცლებოდეს,
სანამდის სუფთა წყალი კიდევ დაილეოდეს,
უძლეველობის მითი სანამ დაიმსხვრეოდეს,
სანამ არწივი ლაჟვარდებში გალაღდებოდეს,
სანამ ნაჭედი ხმალი შუაზე გადატყდებოდეს,
მანამ შეერთდით! შეიკარით ერთ მუშტად ერი,
მაშინ იქნება საქართველო სვე-ბედნიერი!
ბედნიერების დაგვიდგება ნანატრი ჟამი,
აბჯარასხმული საქართველო აღსდგება, ამინ!