ხავსიანი კლდე და კლდეზე
ნედლი გვიმრა, უძველესი ამბებით...
უძნელესი გაბრძოლება ქვეყანაზე,
ძველი შიში საკუთარი ლანდებით...

შენს მოსვლამდე
მე აქ კერა უკვე მენთო,
შენს მოსვლამდე
ლოდქვეშ ბარათს ვტოვებდი,
ამ გულს ცეცხლი
შენს მოსვლამდე გადაენთო,
თბილ სარეცელს
შენს მოსვლამდე ვტოვებდი...

არაფერი...
ხავსიანი კლდე და კლდეზე,
ნედლი გვიმრა, უძველესი ზღაპრებით,,,
უძნელესი გაბრძოლება ქვეყანაზე,
დაჩაგრულთა ამაზრზენი ლანდებით.


თედო ჯორბენაძე
      ბათუმი