შენ ხარ ის სუნთქვა, ის გულისცემა,
რომელიც მათბობს, სულს მივსებს ლხენით,
გახსოვს?  გითხარი: -  ჯერ ჩვენი ტრფობა,
მხოლოდ შენ, მერე სხვა დანარჩენი...

შენ სულო ჩემო, მარად მბორგავო,
თვალთა სინათლევ და აზრო ჩემო!
მინდა სიცოცხლე მოგიძღვნა მსხვერპლად,
მინდა მეგზურად ამოგიჩემო.

მინდა სავალი გვქონდეს საერთო,
მინდა ერთურთის ვიტვირთოთ სული,
ღვთაებავ ჩემო, ჩემო ქალღმერთო,
უფლის განძია ეს სიყვარული!

გამომყე, ბუდე მოვძებნოთ ჩვენი,
მხოლოდ შენ, მერე სხვა დანარჩენი.....