დილა გათენდება. ოღონდ, ისე არა შენ რომ გგონია... წარმოდგენების მოზღვავება შეგაწუხებს, შეეცდები მათ დალაგებას და მერე იწყება აზროვნებაში გათიშვა. ვერც კი შეამჩნევ დრო როგორ გავა და ინსტიქტური გახდები. მერე ისევ გონზე მოხვალ და თავს ბედნიერად ჩათვლი, შედარებით ნაკლები საფიქრალი რომ გექნება. შენს თავზე დაფიქრდები და დაიწყებ საკუთარი თავის გადამოწმებას,  იქნებ რაიმე შემეცვალა საკუთარ თავში?  და დაიწყება გაუთავებელი დიალოგი ერთი ერთზე, მერე ამას მოყვება თავის მართლება, შემდეგ ისევ შეფასება და ბოლოს მიხვდები რომ სულ ტყუილად დაკარგე დრო დიალოგში. ბოლოს ისურვებ უფრო მარტივ ცხოვრებას, დაისახავ მცირე მიზნებს და განაგრძობ ცხოვრებას.