"ლამაზმანო", მე ვერ გავიგე თქვენი აღშფოთების მიზეზი, იმის მაგიერ რომ განიცდიდეთ იმ ფაქტს, რომ ლიტერატურა. გე. დახურულია ნიჭიერი ავტორებისთვის,რათა ზოგიერთმა წერა-კითხვის უცოდინარმა საკუთარი რკინა ოქროდ გაასაღოს,ურაკპარაკს ადანაშაულებთ იმაში, რომ ნებისმიერ ავტორს აძლევს უფლებას საკუთარი ნაწარმოები გამოაქვეყნოს? გეთანხმები, შეიძლება დაოსტატება ბევრს გვაკლია,მაგრამ პორტალმა განვითარებისა და საკუთარი თავის წარმოჩენის საშუალება არ უნდა ჩაუკლას ადამიანს...  ერთი კვირაა გულდასმით ვკითხულობ ლიტ გეზე განთავსებულ "შედევრებს" და სურვილი გამიჩნდა ბოდიში მოვუხადო ლეო-ნაფტას ყველა იმ ტკივილისთვის, რაც უსამართლოდ მივაყენე: აღმოვაჩინე, რომ ლეო ნაფტა პორტალზე ყველაზე ნიჭიერი და მართალი ავტორია...
  გამაოცა კიდევ ერთმა ფაქტმა, რომელიც ლიტერატურაგე-ზეა გაბატონებული: პორტალზე არ არსებობს ფორმულა:"დაიმდაბლე თავი შენი". ყავთ რამდენიმე ამპარტავნობის ზღვარს გადასული ავტორ_შემფასებელი,რომელნიც აიძულებენ ახალბედა ავტორებს,,როგორც კერპებს ისე მიმართონ, რათა ქურუმებმა თითო  დამადლებულიმოწყალების სიტყვა გადაუგდონ...
          მე, ურაკპარაკი გე-ზე ოცდაათი ავტორი მაინც მეგულება, რომლებიც სათითაოდ დაჯაბნიან ლიტ გეზე გამოქვეყნებულ ყველა ლექსებიდან შერჩეულ საუკეთესო ლექსებს...მიუხედავად იმისა, რომ ისინი ჩემზე ძლიერები არიან, არ მინდა თავზე მოვახვიო ჩემი  ჩანაფიქრი...

  მე გახლავართ სწორედ ის ავტორი, რომელსაც ყველა ლექსი შურითა და ღვარძლით ატანილმა ლიტ გე-ლებმა გამიმინუსეთ!    ურაკპარაკზე, ერთი ჩვეულებრივი, საშუალოზე დაბლა მდგარი ავტორი ვარ...ამ პორტალზე ოთხმოცამდე ლექსი მაქვს განთავსებული, ეს ლექსები დიდი ოსტატობით არ გამოირჩევიან, მაგრამ დარწმუნებული ვარ,ლიტ გე-ზე განთავსებული ყველა ლექსიდან რომ შეარჩიონ 80 ლექსი, მაინც ვერ დაჯაბნიან, ჩემს უსუსურ სტრიქონებს, ამიტომ შემოვდივარ წინადადებით: შევარჩიოთ მედიატორები  3-3 კაცი ურაკპარაკიდან და ლიტერატურა გე-დან, თითო მედიატორი ვთხოვოთ გამოყოს "ჩვენი მწერლობისა და "ლიტერატურული პალიტრის" რედაქციამ და შემეჯიბრეთ...

        თუ დავმარცხდი?!- გპირდებით რომ ურაკპარაკიდანაც წავალ, თქვენ თუ დამარცხდით, არაფერს    მოვითხოვ სანაცვლოდ...


    ვიდრე ჩემს შემოთავაზებას განიხილავთ ლიტერატურა გე-სადმი მიძღვნილი ლექსით დაგატკბობთ





მეგობრული რჩევა ლიტერატურა. გეს


მანდ ალბათ თბილა
და არ ისმის კვნესა არასდროს,
და არც ხველება განწირულთა არღვევს სიამეს,
მე გევედრებით
რკინის კარი მაგრად ჩარაზეთ,
ოღონდ ოთახი
შიგადაშიგ
გაანიავეთ...

ნუ აღელდებით,
გაზქურებთან თბილად მოეწყვეთ,
ასეთი ბრძნული გამოხედვით
მრავალს აოცებთ,
გადაურაზეთ კარებები შეშლილ პოეტებს,
თორემ წყურვილი  შემზარავი
თქვენც დაგაოსებთ...

არ შეგეშინდეთ,
თქვენს ფშვინვას და თქვენს ნეტარებას,
მტკიცედ დარაჯობს
გისოსი და
შავი ჟანდარმი...
ფხიზლად იყავით,
პოეტი თუ მოგეპარებათ,
იქვე ჩაწიხლეთ
სტრიქონივით გაურანდავი...

პოეტს სიცივე შეაგებეთ
რკინის კარებთან,
მუჯლუგუნები
მიაყოლეთ ახალწვეულებს,
თორემ შიმშილი
თქვენს ოთახსაც დაემგზავრება
და პოეტივით
უნუგეშოდ დაასნეულებს...


მანდ ალბათ თბილა
და არ ისმის კვნესა არასდროს,
და არც ხველება განწირულთა არღვევს სიამეს,
მე გევედრებით
რკინის კარი მაგრად ჩარაზეთ,
ოღონდ ოთახი
შიგადაშიგ
გაანიავეთ...