პატარა ქალო, თუ ინებებთ, მიბოძეთ რამე...
ხელგამოწვდილი მიჩერდება მოხუცი ფეხთან.
ბევრი ურწმუნო შეხვედრია ცხოვრების გზაზე,
ბევრიც დამჯერე, მაგრამ თავად ჩაგრული ბედთა...
უმზერ თვალებში საოცარი ნაღველი გიპყრობს,
ტკივილს კითხულობთ ცხოვრებაში და განვლილ წყენას,
ახლა რომ ასე,ხელგაწვდილი ქუჩაში ცხოვრობს,
თვითონ სიცოცხლეს უმადლის და ცხოვრების დენას....
ოდესღაც იყო ასე, ისიც ჩემსავით ლაღი
და მის თვალებში სიხარულის სხივიცა კრთოდა,
უცნაურია, მაგრამ მასაც ჩემსავით თურმე
მხიარული და უდარდელი ცხოვრება ჰქონდა...
ღმერთო მაღალო გადმოხედე ამ ციცქნა მიწას,
დედავ ღვთისაო დაიფარე ჩაგრული ყველა...
გაბოროტებულ სულს იმედი დაუდე ფარად
და სასუფევლის გზა გვანახე, ცხოვრების კვალად....