გადავიარე ფერად გაზაფხულზე, შენს ლამაზ თვალებს ვხატავდი,                   
ახლა გვიანია უკვე სინანული, აღარ მჭირდები და...
                                                                                ნახვამდის!


როცა ხმა ჩამიწყდა შენი დაძახებით, როცა შენზე ფიქრით გავწამდი,
მაშინ არ გაიგე ჩემი ერთი სიტყვაც,ახლა აღარ გიხმობ...
                                                                                ნახვამდის!


როს შენს შემხედვარეს ცრემლი ღვარად მედგა,
როცა გაღმერთებდი და ცამდის...
მიგანავარდებდი ჩემი ხელის გულით,არ შეიმშვენე და...
                                                                                ნახვამდის!


როცა მიყვარდი და შენს ტრფობას ვუცდიდი,
როცა მიჯნურ ქალებს ვბაძავდი,
თვალი ვერ შენიშნე გრძნობით ანთებული, ახლა გაგახსენდი?
                                                                                ნახვამდის!


ბედნიერი მერქვა, ბედნიერი, ღმერთო, თუკი გაღიმებულს გნახავდი,
რამდენ ხანს გელოდი, დამიბრუნდი, მაგრამ...
ვერა, ვერ მიგიღებ!
                                                                                ნახვამდის! 


მერე რა მოხდა თუ ისევ გულში მყავხარ?
დარდი ყელში მახრჩობს, გადამდის...
წადი!
აღარ მინდა შენი გახსენება! არ ხარ ჩემი ღირსი!
                                                                                ნახვამდის!


ასე გაგიჟებით არვინ შეგიყვარებს,
ნეტავ მეტკინები სადამდის?!
ნუ ჩამეხუტები!
                    სითბო მანადგურებს!
                                                    ხელი გამიშვი და...
                                                                                  ნახვამდის!