მე უძილობა ბავშვობიდან შემომეჩვია,
და, ალბათ, ამის გამომწვევი
ჩემი ეჭვია,
რომ აზრი არ აქვს ძილს,
რადგანაც არა აქვს აზრი
უაზრო ყოფას,
ხოლო ძილში აზრიანი არაფერია,
სიზმრების გარდა,
სიზმარი კი ისე არ მიყვარს,
რომ უძილობა მეგობრად მყავს
და ყველგან დამყავს,
მაშინაც კი, როდესაც მძინავს
ის ჩემთანაა
სიფხიზლის სახით...
მე უძილობა ბავშვობიდან შემომეჩვია
(მაგრამ,
მიზეზი ახლა  შენშია!)