„ვინც წინ არ მიდის, ის უკან მიჰყვება.
      ერთ ადგილზე დგომა არ არსებობს.”
                                  — ბელინსკი



სად შეჩერდები? მოინდომე - თუ კაცი გქვია...
მაგრამ რა ძალა... ტყუილია! წინ გაიარე,
ერთ ადგილს ტკეპნი?! მიწას ხოკავ... (გახლიან ტყვიას)
და ბედი შენი გადაურჩი ზურგთან ხვიარებს.

წინ გაიარე... ჰორიზონტი ეგებ დალიო!
ადამმი ერთ დროს გამოცადა უფალმა რისთვის...
მაინც ვერ გაძღა უღრუბლო ცა სისხამ ალიონს -
მეხად აზიდებს სასულეში - ცოდვებს, რომ ისვრის.

კელაპტარს ათლი... ათივე თითს ადგამ სინათლეს...
ათივეს აქრობს ქარი თუმცა... სასაცილოა!
(გზად რომ დაგჯაბნოს ყველამ ვინც კი თავი იმართლა
ანდა ამართლეს შენს პირისპირ ცხარე ცილობას)

ტუჩებს იკვნეტ და ცხოველივით იერი დაგდის
უკან მიყოლა იუცხოვე... წყევლიდი გამჩენს
სა-გზალად ეშმა მოგიმზადებს უგემო სადილს...
(ორპირი ქარი შეელევა  „ლაგამს“ და დასცემს)

რომ შეგაჩეროს... იუდამ და  თუგინდ მოყვასმა...
(სახსარში გტეხავს ყველა წილი შენი ვაების)
საცალფეხოზე ბეწვის დირეს ვიღაც დააცხრა...
დედის გინებით გადიხარ და გზაზე ჩაგესმის -

რომ ჯირითია...
გაიარე წინ ან -
ჩამორჩი!