***
ტკივილი-ლურსმანი უცვეთელი
და დარდი-ჩაქუჩი,
ბედისწერის მარჯვენას შეზრდილი.

***
შვილი ძალიან,ძალიან იგვიანებს
და ლამის სიხარულით ატირდეს
დედა იმ ქვეყანაში...

***
და უცებ:თვითმფრინავი,
როგორც ცის ერთი ნაპირიდან
მეორისკენ ნასროლი ქვა.

***
ბარტყებს თავისი ჩრდილი დაახურა,
სითბოს სარჩულიანი,
და საზრდოს მოსატანად გაფრინდა.

***
წყაროს ირგვლივ
ჩამომსხდარ მგზავრებს
გაგონებენ საათის ციფრები.