‎"ნუ ჩაერევით ჩემს ცხოვრებაში ქირურგიულად.
საერთოდ ნუ ჩაერევით ჩემში." (ჩიღვინიძე)

ვურევ ჩემს გარშემო არსებულ ნივთებს,
მიყვარს ქაოსი.
მიყვარს შფოთვა,მღელვარება,დაძაბულობა.
ნუ ჩაერევი!

ეს გარემო არასოდეს ყოფილა სიმშვიდისფერი ჰაერივით გამჭვირვალე,
ადამიანები არასოდეს ყოფილან ყურადღება მისაქცევი ობიექტები.
მზერა,ყოველთვის ფანჯრებისკენ.
უყურე მზეებს!
ქარებს,წვიმებს,ხანდახან თოვლსაც.
მზერა,ყოველთვის ფანჯრებისკენ,
იქ,
მე დავდივარ!

დავდივარ დამაქვს ამ ქალაქის მტვრიანი სუნთქვა.
მეზობლების უთავბოლო მითქმა–მოთქმა ვიწრო კაბებზე.
სხვისგან ნაკოცნი,არაერთგზის დაკოცნილი მშრალი ტუჩები.
უყურე ფანჯრებს, ზოგჯერ მჩვევია, შუქნიშანთან გავჩერდე და
ჩემს წინ აღმართულ შენობებში დაგიწყო ძებნა.