= ჰარაკირი=

დილის კატანამ
გაუფატრა ღრუბელს მუცელი,
ცის ჭილოფზე,
სისხლისფერი მზე დაიღვარა.


=უშვილობა=

არცერთი თეფში არ აკლია
კობალტის სერვიზს.
და საქანელაც ეზოს ბოლოს,
თავის თავს არწევს.


=ომი ზამთარში=

ბროწეულივით გახლეჩილ ზეცას
მარცვლებად სცვივა,
წითელი თოვლი.


=სული-სასუქი=

გამშრალ მიწაზე,გუბურასთან
მოხუც მებაღეს ბოლო სუნთქვა დაექცა,
აყვავილდნენ ქრიზანთემები.


=ნისლი=

ნისლი ფუჯიზე.
დილის ნიავით გაფენილი
თეთრი ორგანზა.