რომ გიყვარდე,როგორც ქალი...

რომ გიყვარდეს გაცინება,
წარბს გახსნიდი ლაღად,
მზის სხივიც კი შეგნატრებდა
ვერც იგრძნობდი დაღლას!
რომ შეგეძლოს სიმართლის თქმა,
რეალობის ქარგვა,
არსებული დღეს,ხომ,შენით,
იქნებოდა სხვა რამ!
რომ მავსებდე, როგორც წყალი,
არც შევსვამდი მაჭარს,
რომ გიყვარდე, როგორც ქალი
იქნებოდა სხვა რამ!
რომ გჯეროდეს გულის ძგერის,
ქარის ქროლვის ბაძვა,
ნიავივით მოხვიდოდი...
იქნებოდა სხვა რამ!
რომ გალობდე ბულბულივით,
რომ შეგეძლოს ხატვა,
მიმღერებდი,დამხატავდი,
იქნებოდა სხვა რამ!
რომ გიყვარდე, ჩემი ცრემლი
აგიშლიდა გრძნობებს,
რომ გიყვარდე, როგორც ქალი,
მთელ სამყაროს მომცემ!