“გავიდა უკვე 11 წელი, იმ დღიდან, როცა ამერიკა სამუდამოდ შეიცვალა,” მითხრა, შტატებიდან ახლახანს დაბრუნებულმა მეგობარმა, რამოდენიმე დღის წინ. იგი 2001 წლის 11 სექტემბერს იმყოფებოდა ქალაქ ნიუ-იორკში. ის ხშირად მეუბნებოდა ხოლმე, თუ რა მოხდა ამერიკაში ამ დღის შემდეგ, თუ როგორ დაეკარგათ  ადამიანებს  მოსვენება, დაუფრთხათ ძილი, თან ყოველთვის აყოლებდა, რომ ვერ გადმოცემს იმ განცდებს, რაც ჯერ იმ დღეს ქონდა ყველა ამერიკელს და მერე, რომ დღემდე გრძელდება ეს შინაგანი ეიფორია.
  წინდამდებარე წერილი, წარმოადგენს 9-ჯერ 11, ანუ 99  მიზეზს იმის დასამტკიცებლად, რომ 2001 წლის 11 სექტემბერს, აშშ_ში მომხდარი ტერორისტული აქტები, მოაწყო ამავე ქვეყნის ხელისუფლებამ. აქ მოყვანილ ფაქტებზე დაყრდნობით, თამამად ვაცხადებ, რომ ეს იყო საკუთარი ხალხის დატერორების გეგმის, ერთ-ერთი ნაწილი, მაგრამ გარდამტეხი, რადგან ტერორიზმის წინააღმდეგ ბრძოლის შესახებ კანონი, ამავე წელს მიიღო ბუშის ადმინისტრაციამ, რომლის მეშვეობითაც, შეუძლიათ დააკავონ და გაჩხრიკონ ნებისმიერი ამერიკის მოქალაქე, თუ მასზე სამართალდამცავების მხრიდან დაფიქსირდება ტერორიზმში სავარაუდოდ ეჭვმიტანილობა და მეტიც, შეუძლიათ გახსნან ცეცხლი განადგურებაზე, ხოლო დეტალები, ანუ რომ შეიძლება ეს პიროვნება, რომელზეც ეჭვი მიიტანეს სულაც არ აღმოჩნდეს არანაირად ტერორისტი, გაირკვეს ბოლოს.
  ამ და სხვა, ამაზე მიბმული კანონების მიღების შემდეგ, შევიდნენ ერაყში, ვითომც და მასობრივი განადგურების იარაღის ნეიტრალიზაციისთვის. ჰუსეინს არანაირი მსგავსი იარაღი არ ქონია არასდროს და არც არასდროს ექნებოდა, თუ ისევ ბუშისგან არ იყიდიდა (არა ქიმიურს, მაგრამ ერთი 3,4 ატომურ იარაღს). ეს გეგმა 5_იანზე შეასრულეს, ალბათ ასეთ შედეგს თვითონაც არ ელოდნენ, ასეთ მოკლე ხანში. მთელი მსოფლიო მოიცვა გაურკვეველმა, უხილავმა საშიშროებამ, რომლის მხოლოდ შედეგი ჩანს და ისიც კატასტროფული; ყველაფერი კი ბრალდება თალიბანებს და მათ მეთაურს ოსამა ბენ ლადენს, კატასტროფიდან რამოდენიმე წამში, საინფორმაციო საშუალებებით, ვრცელდება ამ ტერორისტული აქტის ავტორის სახელი: ოსამა ბენ ლადენი. საოცარია, დღემდე ადამიანების უმრავლესობას ჯერა, რომ ეს ტერორისტული აქტები მოაწყეს ადამიანებმა, რომლებიც გამოქვაბულებში იმალებიან.
  ჩემს მიერ შეგროვილი მასალები, გადამოწმებულია მრავალგზის; ამ პუბლიკაციას ვწერ ქართველი მკითხველისთვის, რათა მათ გაიგონ ისეთი დეტალები, როგორსაც ცენტრალური ხელისუფლება, ოფიციალური ვერსიით, არ ახმოვანებს. არც ამერიკაში და არც საქართველოში. ამერიკას, როგორც საქართველოს პარტნიორ ქვეყანას, საქართველოს მთავრობა, ხატავს ნათელ ფერებში და ქართველ მოსახლეობას უყრის იმ საკენკს, რომელსაც თავდაპირველად თვითონ კენკავს; მე მინდა ხალხმა გაიგოს ისეთი დაუჯერებელი ფაქტების შესახებ, რაც ამ შავბნელი საქმისთვის ფარდის ახდაში შეიტანს გარკვეულ წვლილს. მე ვფიქრობ ესეთი კრიტიკული დამოკიდებულება ოფიციალური ვერსიის მიმართ, მხოლოდ ზღვაში წვეთია, მაგრამ არაუშავს, “ზღვა კოვზით დაილიაო” ნათქვამია.  მაშ ასე, 9-ჯერ 11_ი, ანუ 99 მიზეზი ამერიკის მთავრობის მიერ გამოქვეყნებული ოფიციალური ვერსიის წინააღმდეგ, რომელიც 2001 წლის 11 სექტემბერს, აშშ_ში  მომხდარი საშინელი ტერორისტული აქტების შესახებ დაიწერა და გამოქვეყნდა. ამ ოფიციალურ ვერსიას შეგიძლიათ გაეცნოთ დედანში, ამერიკის მთავრობის ვებ გვერდზე, მაგრამ აქ მოყვანილ მტკიცებულებებში, ჩანს ის მთავარი დეტალები, რომლის უკანაც, ასე უსინდისოდ მალავს აშშ_ს ხელისუფლება თავის ბინძურ გეგმას.




მიზეზი 1:

2001 წლის 11 სექტემბერს ქალაქ ნიუ-იუორკის საჰაერო სივრცეში, ტარდებოდა აშშ_ს საჰაერო ფლოტის ტრეინინგი, კერძოდ, ტერორისტების მიერ, პირობითად გატაცებული თვითმფრინავის გადასარჩენად.

მიზეზი 2:

არ არსებობს არცერთი ვიდეო კადრი, ან ფოტო მასალა, სადაც აღბეჭდილია თვითმფრინავი, ან მისი ნარჩენები, რომელიც "შეეჯახა" პენტაგონის შენობას, ქალაქ არლინგტონში, ვირჯინიას შტატი.

მიზეზი 3:

ყველა ვიდეო მასალა, რომელიც გადაღებულია პენტაგონის ახლო-მახლოს, ქალაქის ქუჩებში, შუქნიშნებთან, სუპერმარკეტებთან, შენობებზე, დაბლოკილია აშშ_ს მთავრობის მიერ და გასაიდუმლოებული, მოყოლებული 2001 წლის 11 სექტემბრიდან.

მიზეზი 4:

ოფციალური ვერსიით (ფოტომასალების კვლევით) დადგენილია, რომ სამგზავრო თვითმრინავი ბოინგ 757, რომელიც შეეჯახა პენტაგონს, შევარდა მის შიგნით, ხოლო დიამეტრი იმ ხვრელის, რომელიც ფოტოებზეა ასახული 5 მეტრია, მაშინ როდესაც ამ ბოინგის სიმაღლე 13  მეტრია და ფრთებიანად სიგანე 38 მეტრი.

მიზეზი 5:

იგივე ხვრელის ადგილის გარშემო შუშები არც ჩამტვრეულა, წესით ისინი ბოინგის ფრთებს და მის ორ ძრავას უნდა ჩაემტვრია.


მიზეზი 6:

შემთხვევის ადგილზე არ აღმოჩნდა ბოინგის ორი ძრავა, რომელიც აღმოჩნდა “ტყუპების” ინციდენტის ადგილზე, რადგან ეს ძრავები მზადდება ტიტანის შენადნობებისგან, რომელიც 1600 გრადუს ცელსიუსის ტემპერატურაზეც კი არ დნება (ეს არის მეტალის დნობის ტემპერატურის ნიში).  სად გაქრა ძრავები? თუკი ისინი საერთო არსებობდა.

მიზეზი 7:

როდესაც ამერიკის ტექნოლოგიების ინსტიტუტის ერთ-ერთმა დოქტორმა გამოაქვეყნა კრიტიკული წერილი, იგი მოხსნეს დაკავებული თანამდებობიდან. კერძოდ კი წერილი მდგომარეობდა შემდეგში: იგი ამტკიცებდა, რომ პენტაგონის მახლობლად, აუცილებლად უნდა ყოფილიყო თვითმფრინავის ნარჩენები, ფრთების ნატეხები, შავი ყუთი, ძრავები და სხვ.

მიზეზი 8:

ამის პასუხად გამოქვეყნდა ახალი ოფიციალური, მოდერნიზირებული ვერსია, რომლის თანახმადაც, მაღალი ტემპერატურის გამო თვითმფრინავის ფრთები გაქრა, აორთქლდა.

მიზეზი 9:

ოფიციალური ვერსიით “ტყუპების” ჩამოშლის მიზეზი იყო ხანძრის შედეგად გავარვარებული სართულების ძირების კონსტრუქციის ჩამოშლა და ერთმანეთზე ზეწოლა, რის შედეგადაც ჩამოინგრა მთელი კონსტრუქცია, 10 წამში, მაგრამ თუნდაც ასე ყოფილიყო, ყველა გათვლით და დაანგარიშებით, ამ პროცეს დაჭირდებოდა 120 წამი, ანუ თითქმის წუთნახევარი, 10-ჯერ, ვიმეორებ 10-ჯერ უფრო გვიან უნდა ჩამოშლილიყო.

მიზეზი10:

ჩაატარეს ცდა, მაკეტზე, კომპიუტერულზე, სადაც 2-ჯერ გაზარდეს ტემპერატურაც და შეჯახების ძალაც; შენობები მაინც არ ჩამოიშალა; ასევე მოხდა სხვადასხვა ინსტიტუტებში, სხვადასხვა ქვეყნის.

მიზეზი11:

იქ მყოფთა დაახლოებით 80%_ მა ადამიანებისა გაიგონა 6,7,8 9, ზოგმა 15 აფეთქების (ძლიერი აფეთქების) ხმა, იმის წინა წამებში, სანამ შენობა ჩამოიშლებოდა.

მიზეზი12:

აფსოლუტურად ყველა ექსპერტის დასკვნაში წერია, რომ ტემპერატურა არ იყო საკმარისი სიმძლავრის, რომ დაედნო მეტალი, ანუ არ იყო 1600 გრადუს ცელსიუსზე მაღალი, ხოლო ნანგრევებში კი ნაპოვნია რკინის ძელები, ნახევრად დამდნარი.

მიზეზი 13:

ფოტოებზე აღბეჭდილია ნულოვანი სართულის საყრდენ ძელებზე სიმეტრიული კვეთების ნაკვალევი, რომელიც ბუნებრივ პირობებში შეუძლებელია წარმოიშვას, ესეთი ჩანაჭრელები მეტალში, კეთდება მხოლოდ ხელოვნურად და ისიც, როდესაც შენობის კონსტრუქციაში, პროფისიონალი ამფეთქებლები, ასაფეთქებელ ნივთიერებებს ამონტაჟებენ.

მიზეზი14:

მიუხედავად ოფიციალური ვერსიისა, ნაპოვნი მეტალის გადაკვეთების ანალიზის შედეგად დადგინდა, რომ გადაკვეთები არ შესუსტებულა თანდათანობით, არამედ დატყდნენ, შეიძლება ითქვას გადატყდნენ, ანუ ხანძრის ზემოქმედება ირიცხება, ამას ბავშვიც მიხვდება.

მიზეზი15:

ოფიციალური ვერსია კი იწერება: “გადაკვეთები შესუსტდა მაღალი ტემპერატურის გამო და მეტალი დარბილდა.  “(??????????????????????????)

მიზეზი16:

აშშ_ს მთავრობის მიერ გამოქვეყნებული ვერსიები ფალსიფიცირებულია, რადგან მონაცემები ზოგან გაზრდილია, ზოგან შემცირებული.

მიზეზი17:

ერთ-ერთი მაგალითი: ფედერალური გამოძიების ბიუროს მონაცემებით, ბოინგის ბორტზე 13 ტონა საწვავი იყო, ხოლო თეთრი სახლის ოფიციალური ვერსიის მიხედვით 6,5 ტონა-.

მიზეზი 18:

27 სხვადასხვა ქვეყნის ექპერტ-კონსტრუქტორის წერილობითი დასკვნა იწყება ასეთი შინაარსის შენიშნვნით: “პირველი რამაც ჩემი ყურადღება მიიპყრო, იყო ჩამონგრევის არანორმალური, არაბუნებრივი სიჩქარე, ეს ეხება ნომერ 7 შენობასაც”

მიზეზი19:

იტალია. მეტალურგიის ინსტიტუტის დირექტორი, პაოლო მარინი თავის დასკვნაში წერს: “მე გამაოცა “ტყუპების” ჩამოშლის ასეთმა დაუჯერებელმა (“დ ა უ ჯ ე რ ე ბ ე ლ მ ა” -ხაზგასმა ჩემია-ავტორი)სისწრაფემ, რომელიც ბუნებაში მხოლოდ თ ა ვ ი ს უ ფ ა ლ ი    ვარდნითაა ცნობილი.”

მიზეზი 20:

იმავე პაოლო მარინის დასკვნაში ვკითხულობთ: “თუკი მეტალის ბურთულას, ჩამოვაგდებთ 400 მეტრის სიმაღლიდან და სწორედ ამ სიმაღლის იყვნენ “ტყუპები”, ის მიწაზე დაეცემა დაახლოებით 9 წამში და ეს იმ შემთხვევაში, თუ მასზე არ იმოქმედებს, ანუ წინაღობას არ შეუქმნის ჰაერი, ხოლო ტყუპების შენობის ზემოთა ნაწილს არა მხოლოდ ჰაერი, არამედ მეტალის კვეთები და მთელი კონსტრუქცია უშლიდა ხელს; მაშ როგორღა ჩამოიშალა 10 წამში? პასუხი ცალსახაა, მას არ აკავებდა მეტალის კონსტრუქცია, რადგან თვითონაც აფეთქებული, სხვადასხვა დონეებზე, ჩამოიშალა”

მიზეზი 21:

იგივე დასკვნაში ვნახულობთ: “შენობები ჩამოიშალა ისე, თითქოს ქვემოთ სიცარიელე იყო და არა რკინის მტკიცე, დაუზიანებელი ნაწილები” (შენობის დიდი ნაწილი დაუზიანებელი იყო ჩამონგრევამდე)


მიზეზი22:

ამერიკელი ფიზიკოსის, სტივენ ჯონსის ინტერვიუში ვკითხულობთ: “შენობა #7 ჩამოიშალა 7 საათით გვიან, ვიდრე “ტყუპები”, მიუხედავად იმისა, რომ მას არავითარი თვითმფრინავი არ შეჯახებია; ჩვენ გავზომეთ ჩამონგრევის ხანგრძლივობა, იგი უტოლდებოდა თავისუფალი ვარდნის სიჩქარეს, სწორედ ისე, როგორც ეს ხელოვნურად აფეთქებულ შენობებს ახასიათებთ.”

მიზეზი 23:

ყველა დანგრეულ შენობას აერთიანებდა ერთი ნიშანი: გამდნარი მეტალი, რომლის ნარჩენებიც ამოღებულია შემთხვევის ადგილებიდან.

მიზეზი 24:

ოფიციალური ვერსიით, ტემპერატურის მაქსიმუმი პიკი იყო 700 გრადუს ცელსიუსი, ხოლო მეტალის გასადნობად საჭირო ტემპერატურაა 1600 გრადუს ცელსიუსი; ეს არის აფსურდი.

მიზეზი 25:

საიდან გაჩნდა შემთხვევის ადგილზე გამდნარი მეტალი?! ამ კითხვაზე პასუხი არ წერია 600 გვერდიან ოფიციალურ საგამოძიებო დასკვნაში. ექვსასგვერდიანი სიყალბე.

მიზეზი 26:

პაოლო მარინი ამბობს ინტერვიუში: “როდესაც შევისწავლეთ მეტალის ნამტვრევები მიკროსკოპულ დონეზე, მათზე აღმოჩნდა ისეთი ნივთიერებები, რომელიც წესით იქ არუნდა ყოფილიყო, ერთ-ერთი ნივთიერებაა გოგირდი”

მიზეზი 27:

ფიზიკოსი სტივენ ჯონსი აცხადებს: “ჩვენთვის უკვე ცნობილია საიდან გაჩნდა შემთხვევის ადგილზე გამდნარი მეტალი; ეს იყო ისეთი ნივთიერების ზემოქმედების შედეგი, როგორიცაა ტერმიტი, რომელიც შედგება : ალუმინის ფხვნილის, რკინის ოქსიდის და გოგირდისგან.”

მიზეზი 28:

ამ ასაფეთქებელი ნივთიერების გამოყენებით, ამფეთქებლები, აფეთქებენ ძველ შენობებს:  სხვადასხვა სართულებზე, შენობის საყრდენ ბოძებს ჭრიან და შიგნით, დებენ ასაფეთქებელ ნივთიერებას, ამას მოყვება მიმდევრობითი აფეთქებების სერია, დეტონატორის გამოყენებით, რათა შენობა ჩამოიშალოს ვერტიკალურად და დიდი სისწრაფით. ეს არის ე.წ.
კონტროლირებადი ნგრევა.

მიზეზი 29:

ჟანეტ მაკინლი, ერთ-ერთი თვითმხილველი იუწყება, რომ მან აიღო მტვრის ნიმუში შემთხვევის ადგილიდან და გადასცა სტივენ ჯონსს, რომელიც ამბობს: “მტვრის მასა, რომელიც მე გადმომცა ქალბატონმა ჟანეტმა, გვაძლევს საშუალებას გავარკვიოთ, თუ რა ნივთიერებებისგან შედგება ის. იქ აღმოჩენილი მეტალის წვეთი მარწმუნებს იმაში, რომ სწორედ ასე უნდა ემუშავა ტერმიტს”.

მიზეზი 30:

“მე ჩამიტარებია მრავალი ცდა ტერმიტთან დაკავშირებით” - განაგრძობს სტივენ ჯონსი - “ და ყველა შემთხვევაში აფეთქების შემდგომ, ჰაერში იფანტება პატარ-პატარა მეტალის წვეთები, სწორედ ისეთი, როგორიც აღოჩნდა 11 სექტემბრის შემთხვევის ადგილზე.”

მიზეზი 31:

“გარდა ამისა” - საუბრობს დოქტორი ჯონსი -“ნიმუშებში აღმოჩენილია ბორი და გოგირდი, ეს სწორედ ის ძირითადი შემადგენელი ნაწილებია, იმ სახის ტერმიტისა, რომელსაც იყენებენ სამხედროები. ტერმიტი ასეთი შემადგენლობით, უზრუნვებელყოფს მეტალის სწრაფ განადგურებას.”


მიზეზი 32:
დევიდ რეი გრიფინის, დამოუკიდებელი ექსპერტის მიერ მოპოვებული მასალების საფუძველზე ირკვევა, რომ თვითმხილველებს ესმოდათ ძლიერი აფეთქებების ხმა, მას შემდეგ, რაც შენობას დაეჯახა თვითმფრინავი.

მიზეზი 33:

რას უიტენბერგი, სამგზავრო და სამხედრო ავიაციის პილოტი თავის ინტრვიუში აცხადებს: “ოფიციალური ვერსიით გვეუბნებიან, რომ სამგზავრო ბოინგი 757, რომელიც შეეჯახა პენტაგონს, მიფრინავდა 860 კმ/სთ სიჩქარით, 800 მეტრს, მიწიდან 6 მეტრზე.  ასეთი რამ გამორიცხულია, მაღლა კიბატონო, მაგრამ 6 მეტრზე მიწიდან, ჰაერი ძალიან მკვრივია და ბოინგს ასეთი სიჩქარის განვითარება არ შეუძლია, აეროდინამიკის თვალსაზრისით, ეს არის აფსურდი.”

მიზეზი 34:


“ამიტომ აზრი, რომ თვითმფრინავი შეეჯახა პენტაგონს” - განაგრძობს უიტენბერგი _ “მოკლებულია ყოველგვარ სიმართლეს”

მიზეზი 35:

ცნობილია რომ ოფიციალური ვერსიით თვითმფრინავს, რომელიც შეეჯახა პენტაგონს, მართავდა ჰანი ჰანრური, ხოლო მისი ინსტრუქტორი კი იუწყება, რომ ჰანს არ შეეძლო ერთძრავიანი პატარა თვითმფრინავის მართვაც კი (“კუზნეჩიკის”).

მიზეზი 36:

“შეუძლებელია ასეთი პილოტისგან ლაინერის მართვა ” - აცხადებს პილოტი უიტენბერგი - “ეს ისეთივე აფსურდია, როგორც მე რომ მთხოვონ საახალწლო ინდაურის გაპუტვა და შემდეგ გაპუტულისთვის, გულის გადანერგვის ოპერაციის ჩატარება, ეს შ ე უ ძ ლ  ე ბ ე ლ ი ა!”

მიზეზი 37:

ბოსტონის ავიაციის  ცენტრის, პილოტი ინსტრუქტორი, ავიაოპერატორი,  რობინ გორდონი აცხადებს: “არცეთ თვითმფრინავს არ შეუძლია შეუმჩნევლად მიუახლოვდეს პენტაგონს, ან თეთრ სახლს, ეს შეუძლებელია”

მიზეზი 38:

ექსპერტი ჯონ ჯაჯი ამბობს: “საჰაერო სივრცე ვაშინგტონის თავზე, ერთ-ერთი ყველაზე დაცული ტერიტორიაა მსოფლიოში, მას გააჩნია ცალკე გამოყოფილი რადიოლოკაციური არხი, სწრაფი რეაგირების განსახორციელებლად, ეს ჩაკეტილი საჰაერო სივრცეა, რომელიც მაღალმგძნობიარე ხელსაწყოებითაა უზრუნველყოფილი, რომელთა ავლითაც შეუძლებელია გაიაროს რაიმენაირმა საჰაერო ხომალდმა.”

მიზეზი 39:

მწერალი გორ ვიდალი აცხადებს: “ისტორია, რომელსაც მთავრობა გვიყვება, თვითმფრინავის პენტაგონთან დაჯახების შესახებ, მოკლებულია ყოველგვარ ჯანსაღ აზრს და ფაქტს, ასეთი რამე მხოლოდ ჰოლივუდის ფანტასტიკურ სიუჟეტს თუ მოგაგონებთ, შეუძლებელია ერთდროულად გამოვიდეს მწყობრიდან, პენტაგონის, საჰაერო თავდაცვის და ვაშინგტონის საჰაერო პატრულების სისტემები, ესეთი რამ უბრალოდ წარმოუდგენელია”.


მიზეზი 40:

პირველი ვერსია შენობების ჩამონგრევიდან 34_ე წუთზე გაავრცელეს, რომ ეს გააკეთა ალ ქაიდამ.

მიზეზი 41:

მაიკლ უოლტერის განცხადებით, რომელიც გახლავთ მე-9 არხის დიქტორი, ის იყო თვითმხილველი; მან დაინახა, როგორ დაეჯახა თვითმფრინავი პენტაგონს, როცა სხვამ ვერავინ დაინახა ეს. მისი და მთავრობის ოფიციალური ვერსიით ხვრელი პენტაგონის შენობაში, იმიტომ იყო 5 მეტრის დიამეტრის, რომ შეჯახებისას, თვითმფრინავის ფრთები დაიკეცა და ამ ხვრელში შეტყდა, მის მთავარ კორპუსთან ერთად, რაც არ მოხდა არცერთი თვითმფრინავის შემთხვევაში, რომლებიც “ტყუპებს” შეეჯახა. თითქოს ჭრიჭინა შეძვრა პატარა ხვრელშიო.
ეს ხომ აფსურდია!

მიზეზი 42:

CNN_ის საინფორმაცია გადაცემის წამყვანი, რომელიც კომენტარს უკეთებდა შემთხვევის ადგილზე მიმდინარე მოვლენებს, პენტაგონის შესახებ, ჯემი მაკინტაიერი ამბობს: “არავითარი კვალი იმისა, რომ პენტაგონს დაეჯახა თვითმფრინავი არ ჩანს, მხოლოდ კვამლი და გამურული კედლები -.”  მოგვიანებით კი ის აცხადებს, რომ პენტაგონს უეჭველი თვითმფრინავი დაეჯახა და ამაში ეჭვის შეტანა შეუძლებელია.

მიზეზი 43:

ოფიციალური ვერსიის მიხედვით, “ტყუპებიდა” რამოდენიმე კვარტლის მოშორებით, ნაპოვნია ერთ-ერთი ტერორისტის პასპორტი, რომელიც მართავდა თვითმფრინავს, მაშინ როცა დადნა მეტალის კონსტრუქცია, გადარჩა ქაღალდის პასპორტი.

მიზეზი 44:

ფედერალური გამოძიების ბიუროს (FBI_ის) მესვეურებმა, სხვა ვერაფერი რომ ვერ მოიფიქრეს, განაცხადეს, რომ იპოვეს არაბული “ბენდენა”, რომელიც ეკუთნოდა ალ ატტას, ერთ-ერთ ტერორისტს, რომელიც მართავდა თვითმფრინავს;
  მაშინ, როცა გადნა მეტალი, გადარჩა ნაჭრის “ბენდენა”. ასეთ სისულელეს, ზღაპრებშიც ვერ შეხვდებით.

მიზეზი 45:

ასევე, შემთხვევის ადგილზე, ნაპოვნია ერთ-ერთი მსხვერპლის მართვის მოწმობა, ლამინირებული ქაღალდი, მაშინ, როდესაც დადნა მთლიანი თვითმფრინავი.

მიზეზი 46:

41 წამის შემდეგ, როდესაც მეორე თვითმფრინავი შეეჯახა შენობას, ბენ ლადენი იყო ეჭვმიტანილი.

მიზეზი 47:

CNN_ის ჟურნალისტი, შეკითხვის დასმისას უშვებს შეცდომას, როდესაც რესპოდენტს ეკითხება, იყო თუ არა ის მოწმე შენობასთან თვითმფრინავის კონტაქტისა,  მაგრამ მას სიტყვა თვითმფრინავის წარმოთქმა ეშლება და ამბობს რაკ, (რაკეტა, ჭურვი, ყუმბარა (ინგლისურად შესაბამისად ჟღერს)) ანუ კითხვას სვამს ასეთნაირად: “ იყავი მოწმე შენობასთან რაკ.. (მცირე პაუზა) თვითმფრინავის კონტაქტისა?”

მიზეზი 48:

ყველა თვითმხილველი, რომელთა ინტერვიუებიც გაახმოვანეს ტერაქტის მიმდინარეობის წუთებში, იყო ჟურნალისტი, კორესპოდენტები, არცერთი ჩვეულებრივი მოქალაქის ინტერვიუ არ გაუხმოვანებიათ იმ წუთებში, აი სია მათი ვინც იუწყებოდა რომ შენობებს შეეჯახა თვითმფრინავი:

1. შონ მურტაჰი - CNN_ის მთავარი ფინანსური დირექტორი

2. მარკ ობენჰაუსი - ABC_ის პროდიუსერი

3. ოუენ მუგანი - Fox news_ის პროდიუსერი

4. სიდ ბედინგფილდი - CNN_ის უსაფრთხოების დეპარტამენტის პრეზიდენტი

5. რიჩარდ დევისი -  CNN_ის აღმასრულებელი ხელმძღვანელი

6.  როუზ არსი - CNN_ის პროდიუსერი

7. ჯინ იურმანი - CNN_ის პროდიუსერი.

8. უინსტონ მიჩელი - ABC _ის და CNN_ის პროდიუსერი.

9. ჯენიფერ ობერსტეინი - NBC_ის ტუროპერატორის თანამშრომელი.

10. ჟან დერენოვსკი - MSNBC_ის პროდიუსერი.

11. დოქტორი ჯ. ატლასბერგი - სატელევიზიო პროდიუსერი.

12. ელიოტ უოლკერი - NBC_ის ნიუსების პროდიუსერი.

13. ტერეზა რენაუდი - CBS_ის პროდიუსერი

14. სტიუარტ ნურიკი - CBS_ის დილის შოუს წამყვანი.

15. მარკ დ. ბირნბახი - FOX TV_ის თანამშრომელი.

16. მაიკ უოლტერი - US TODAY


მიზეზი 49:

ოთხივე ტელევიზიით, უკვე გადაიცემოდა დამონტაჟებული კადრები, ასეთი დასკვნა გაკეთდა დაწვრილებითი ანალიზის შემდეგ, სადაც ექსპერტებმა მიაგნეს ხმის ჩანაწერის უზუსტობას, კერძოდ ოთხივე ტელევიზიის ვიდეო ჩანაწერში, ისმის ერთი და იგივე შეძახილი მეორე თვითმფრინავის შეჯახებისას : “O, my God!” (ღმერთო ჩემო!) და ასევე კარის ჯახუნი, რაც შეუძლებელია, ბუნებაში ასეთი დამთხვევა კვადრილიონში შეიძლება ერთხელ მოხდეს.

მიზეზი 50:

ბევრი თვითმხილველი ამტკიცებს რომ დაინახეს რაკეტა, რომელიც შეეჯახა შენობას.

მიზეზი 51:

ერთ-ერთ ვიდეოში, აშკარა უზუსტობაა დაშვებული, ფალსიფიკაციის დროს და თვითმფრინავი გამჭვირვალეა, როდესაც ცის ფონზეა, მაშინ მოლურჯო ფერი დაკრავს, ხოლო როდესაც შენობის ფონზე, ნაცრისფერი-.

მიზეზი 52:

თუკი პენტაგონს და ფედერალური გამოძიების ბიუროს, ქონდა 86 ვიდეოფირი, სადაც აღბეჭდილი იყო კატასტროფის ფაქტები, რატომ არ აჩვენეს ეს ფირები იმ ხალხს, რომელიც სხვაგვარ დასკვნებს აკეთებდა პროფესიონალურ დონეზე?

მიზეზი 53:

კატასტროფის მომენტშივე, ფედერალური გამოძიების ბიუროს თანამშრომლებმა, წაიღეს 86 სხვადასხვა ადგილიდან გადაღებული ვიდეომასალა.

მიზეზი 54:

ბოსტონის ავიაციის  ცენტრის, პილოტი, ინსტრუქტორი, ავიაოპერატორი,  რობინ გორდონი აცხადებს: “ყველაზე გამოცდილ პილოტსაც კი მსოფლიოში, გაუჭირდებოდა იმ მანევრის შესრულება, რომელიც ოფიციალური ვერსიის თანახმად, შეასრულა ბოინგის პილოტმა, რომელიც შემდგომ შეეჯახა პენტაგონს. მას დაჭირდებოდა დაახლოებით 10, 15 ცდა ამის შესასრულებლად, ხოლო მუჰამედ ატტას კი ერთძრავიანი, მცირე თვითმფრინავის მართვაც კი არ შეეძლო, როგორც აცხადებს მისი ინსტრუქტორი, ეს არარეალური ამბავია, აფსოლუტური სიცრუე”

მიზეზი 55:

აშშ_ს თავდაცვის სამინისტროს ჟურნალისტი, ბარბარა ჰონეგერი აცხადებს: “ ეს მხოლოდ სამხედრო თვითმფრინავი თუ იქნებოდა, რადგან მხოლოდ მას აქვს რადიოლოკაციური სისტემა, რომლის მიხედვითაც იგი ამოიცნობა, როგორც “ჩვენი” ან “უცხო”, ამ ორი ნიშნულის მიხედვით; ასეთ შემთხვევაში როდესაც “ჩვენი” სიგნალი მოდის შტაბში, მაშინ რეაგირება 0_ის ტოლია, ხოლო როდესაც საპირისპირო - მაშინ ხდება სწრაფი რეაგირება და აგდებენ უცხო საფრენ აპარატს, ხოლო ის, რომ თითქოს ეს იყო სამგზავრო ბოინგი, მტკნარი სიცრუეა, რადგან ასეთ ბოინგებს არ გააჩნია არც “ჩვენი” და არც “უცხოს” სიგნალების სისტემა და იგი ყველა შემთხვევაში აღქმულია როგორც ამოუცნობი მფრინავი ობიექტი და მასზეც ხდება ანალოგიური სწრაფი რეაგირება, ანუ მისი განეიტრალება ჰაერშივე.”

მიზეზი 56:

მწერალი გორ ვიდალი აცხადებს: “ დღემდე არავინ იცის, რა შეეჯახა პენტაგონს, რაკეტა თუ თვთმფრინავი, ხოლო ხელისუფლება კი მხოლოდ თვითმფრინავის ვერსიას ავრცელებს, დაჟინებით”.

მიზეზი 57:

ლარს უიტენბერგი აცხადებს: “ოპერატორ დენიელ ლაბრაიანს არ შეეძლო ცოდნოდა, რა წერტილი იყო რადარზე, რომელიც დიდი სიჩქარით მოძრაობდა, რადგან მუშაობდა მხოლოდ წინა რადარი, ხოლო უკანა გამორთული იყო; ასეთ პირობებში შუძლებელია ობიექტის განსაზღვრა.”

მიზეზი 58:

ვიეტნამის ომის ვეტერანი, მფრინავი რობერტ ბოუმანი, აცხადებს: “როდესაც თვითმფრინავს გათიშული აქვს რადიოლოკაციური გადამცემი, როდესაც ის უხვევს განსაზღვრულ კურსს, ან კარგავს კონტაქტს დედამიწასთან, გახლავთ 3_ი არაშტატური მდგომარეობა, და თუკი ამ სამიდან რომელიმე ხდება, მაშინ თვითმფრინავი უნდა დაიბლოკოს;
11 სექტემბერს 3_ვე არაშტატური სიტუაცია იყო ერთდროულად და თვითმფრინავები მაინც არ აიყვანეს კონტროლზე, თანაც ასეთ სიტუაციაში თვითმფრინავები იმყოფებოდნენ 20 წუთიდან ნახევარ საათამდე; ეს წარმოუდგენელია!”

მიზეზი 59:

ექსპერტი ჯონ ჯაჯი აცხადებს: “ 2001 წელს 11 სექტემბრამდე, 67-ჯერ მოხდა არაშტატური სიტუაცია და 67-ჯერვე ჰაერში გამოჩნდნენ რეაქტიული თვითმფრინავები, რომლებმაც კონტროლზე აიყვანეს თვითმფრინავი, ამისათვის საჭიროა 6-დან 10 წუთამდე; არცერთი სახიფათო სიტუაცია არ იყო იგნორირებული სახელმწიფოს ორგანოების მიერ, გარდა 11 სექტემბრის დღისა.”

მიზეზი 60:

ბოსტონის ავიაცისს  ცენტრის პილოტი, ინსტრუქტორი, ავიაოპერატორი,  რობინ გორდონი აცხადებს: “ბევრი საუბრობს იმის შესახებ, რომ თითქოს პრეზიდენტს პირადად უნდა გაეცა ბრძანება თვითმფრინავების კონტროლზე აყვანის შესახებ, მაგრამ ეს აფსურდია; წარმოიდგინეთ თქვენი სახლი იწვის. თქვენ რეკავთ სახანძროში და აწერინებთ მისამართს, ხოლო ისინი გპასუხობენ, რომ ჯერ მათ უნდა დაურეკონ ქალაქის მერს და აიღონ ნებართვა, ჩააქრონ თუ არა თქვენს სახლში ხანძარი (იცინის), იქნებ მერი სადილობს ან აბაზანაშია შესული, ან გამორთული აქვს მობილური და ისვენებს? ეს ხომ წარმოუდგენელი აფსურდია (კვლავ იცინის).”

მიზეზი 61:

ოთხივე შავი ყუთი განადგურდა, ოფიციალური ვერსიის მიხედვით, სამაგიეროდ ტერორისტის პასპორტი და “ბენდენა” გადარჩა.

მიზეზი 62:

ბოლო სტატისტიკური გამოკითხვის თანახმად, ამერიკის მოსახლეობის 59%_ს არ ჯერა ოფიციალური ვერსიის.

მიზეზი 63:

63% ახალგაზრდობისა ნიუ-იორკში, თვლის რომ ტერაქტების უკან, დგას ამერიკის მთავრობა.

მიზეზი 64:

კონდოლიზა რაიზმა გამოაცხადა: “მე ვფიქრობ შეუძლებელი იყო იმის ვარაუდი, რომ ტერორისტები თვითმფრინავს გამოიყენებდნენ განადგურების იარაღად.” მაშინ როდესაც გამაფრთხილებელი ზარები იყო შესული ფედერალურ ბიუროშიც და პენტაგონშიც.

მიზეზი 65:

ბუში აცხადებს: “წარმოუდგენელი იყო ის, რომ თვითმფრინავი შეიძლება დაჯახაბოდა შენობას”.  მაშინ როცა მსგავსი ოპერაცია მანამდეც ჩატარებულა, თავდაცვის სამინისტროს მიერ.

მიზეზი 66:

2000 წელს, ოქტომბერში ჩატარდა ოპერაცია “მასკალი”, (Mass-casualty situations; - MASCAL) რომელიც წარმოადგენდა სიმულიაციას, თვითმფრინავის პენტაგონზე დაჯახების შესახებ, და ამის მერე ჯორჯ ბუში, იგივე კონდოლიზა რაისი აცხადებს, რომ “წარმოუდგენელი იყო, რომ თვითმფრინავი შეეჯახებოდა პენტაგონს”.

მიზეზი 67:

დოქტორი დევიდ რეი გრიფინი აცხადებს: “ჩვენ ოფიციალური ვერსიით გვეუბნებიან, რომ იდენტიფიცირებულია, თითის ანაბეჭდების მიხედვით ის ადაიანები, რომლებიც ისხდნენ ბოინგში, იმ დროს, როდესაც ის შეეჯახა პენტაგონს, ასევე პასუხად იმისა, თუ რატომ არ მოიძებნა ადგილზე თვითმფრინავის ნარჩენები, განსაკუთრებით კი მისი ორი ძრავი, როლს-როისის ფირმის, ტიტანის შენადნობისგან დამზადებული, რომლის გადნობაც შეუძლებელია 1600 გრადუს ცელსიუსზეც კი, პასუხი იყო, რომ მაღალი ტემპერატურის გამო თვითმფრინავი, მთლიანად დაიწვა, აორთქლდა, გაქრა; ამიხსენით, გთხოვთ, რომელია ის ხანძარი, თვითმფრინავს, თავის ძრავიანად რომ აქროსბ და ამავე დროს, ადამიანის სხეულს კი იმდენად არ წვავს, რომ მისგან თითის ანაბეჭდების აღება შეიძლება?!  მე უბრალოდ მეცინება, მაგრამ სასაცილოა, სატირალი რომ არ იყოს.”

მიზეზი 68:

ორივე ცათამბრჯენის ბირთვი, შედგებოდა 47 მყარი რკინის კოლონებისგან, თუკი სართულები ჩამოცვიოდნენ, როგორც ამას ოფიციალური ვერსიით გვეუბნებიან, მაშინ ეს კოლონები დარჩებოდნენ ჰაერში გამოკიდებული, მთელ 300 მეტრზე.

მიზეზი 69:

მსოფლიო სავაჭრო ცენტრის არქიტექტორი, მშენებელ-ინჟინერი, ლეს რობერტსონი, თავის ინტერვიუში აცხადებს: “ჩვენ შევიმუშავეთ ისეთი კონსტრუქცია, რომელიც გაუძლებდა ბოინგ 707_ის შეჯახებას, თანაც, შენობის რომელ მონაკვეთშიც არ უნდა მომხდარიყო ეს შეჯახება.”

მიზეზი 70:

ფრანკ ა. დემარტინი, მსოფლიო სავაჭრო ცენტრის მთავარი ინჟინერ-კონსტრუქტორი, მასთან ინტერვიუში აცხადებს: “შენობას უნდა გაეძლო რამოდენიმე შეჯახებისთვის თვითმფრინავებთან”.

მიზეზი 71:

ასევე, მოიპოვება აუდიო მასალა, სადაც ჩაწერილია აარონ სვირსკის ხმა; ის გახლავთ მსოფლიო სავაჭრო ცენტრის არქიტექტორი; ინტერვიუს აღება მიმდინარეობს შენობის მშენებლობისას. აი რა ისმის აუდიო მასალიდან:

-ანუ თუ თვითმფრინავი შეფრინდება შენობაში? - კითხულობს კორესპონდენტი.
-დიახ, დიახ, შენობაში. - პასუხობს აარონ სვირსკი.
-და თქვენ ამბობთ, რომ თუკი თვითმფრინავი შეეჯახებოდა ამ შენობას, ის ამხელა ხვრელის გამო, მაინც მაინც გაუძლებდა და არ დაინგრეოდა?
-დიახ, ზუსტად.

მიზეზი 72:

ერთადერთი ახსნა, რომელიც რეალური შეიძლება იყოს, არის ის, რომ შენობის ბირთვში მოთავსებული 47 მყარი ფოლადის სვეტები, დახრილად იყო გადაჭრილი და მასში მოთავსებული იყო ასაფეთქებელი ნივთიერებები, რომელიც დეტონატორით, თანმიმდევრულად ააფეთქეს.

მიზეზი 73:

უილიამ როდრიგესი, ამერიკის ეროვნული გმირი, 11 სექტემბრის ტერაქტის შემდგომ, რომელმაც 30 ადამიანი გადაარჩინა დაღუპვას, აცხადებს: “მე ვიყავი სარდაფში, როცა გავიგონე დიდი აფეთქების ხმა, აფეთქება ისეთი დიდი იყო, რომ ჩვენ აგვახტუნა და სწორედ ამ დროს მინდოდა რაღაც მეთქვა და გავიგონე მეორე აფეთქების ხმა, ეს იყო უკვე თვითმფრინავისგან, რომელიც შეეჯახა შენობას. “(ეს გახლდათ პირველი თვითმფრინავი).

მიზეზი 74:

ფილიპ მორელი, რომელიც იმყოფებოდა ჩრდილოეთ კოშკის მე-4 სართულზე, ამბობს: “ უცბად, რაღაც აფეთქდა და ჩვენ აქეთ-იქით მოგვისროლა, აფეთქება ქვემოდან მოდიოდა, რადგან ჰაერში მოგვისროლა და აგვახტუნა, ამას მოყვა მეორე აფეთქების ხმა, შემდეგ გავიგეთ, რომ პირველი აფეთქებისგან სარდაფში, ზოგს ფეხი მოწყდა, ზოგს კედელი მოხვდა სახეში, ეს საშინელება იყო.”

მიზეზი 75:

აღმოჩენილია ბოსტონის საჰაერო ნავიგაციის შტაბ ბინის აუდიო ჩანაწერები:

“-ბოსტონ, ჩვენ პრობლემა გვაქვს! აქ გატაცებული თვითმფრინავი მიფრინავს ნიუ-იორკზე. უნდა აფრინდეს ეფ-16_ან კიდევ რამე სხვა, რომ… ნუ… მოკლედ, რომ გაერკვიოთ სიტუაციაში.
-ეს სიმართლეა, თუ სწავლებაა?!”
ს წ ა ვ ლ ე ბ ა. როგორც ზემოთ აღინიშნა, 11 სექტემბერს, პარალელურად მიმდინარეობდა სწავლება, სადაც ვითომ გატაცებული თვითმფრინავი უნდა შეეჩერებინათ, ამის გამო შეუძლებელი იყო გარკვევა, მართლა მიფრინავს ნიუ-იორკისკენ გატაცებული თვითმფრინავი თუ არა.

მიზეზი 76:

ბრიტანეთის პარლამენტის წევრი, მაიკლ მიჩერი აცხადებს: “ ისინი (იგულისხმება ამერიკის მთავრობა) ამბობენ, რომ ვერ დაადგინეს ტერაქტის დაფინანსების წყარო; ეს მტკნარი სიცრუეა, ეს ხალხის თვალებში ნაცრის შეყრაა, მათ ოფიციალურ დასკვნაში წერია, რომ ამ კითხვას არ აქვს დიდი მნიშვნელობა;  ეს ხომ აფსურდია, სწორედ რომ უდიდესი მნიშვნელობა აქვს, თუ ვინ დააფინანსა ეს ტერაქტი, ვიმეორებ უდიდესი მნიშვნელობა აქვს დაფინანსების წყაროს.”



მიზეზი 77:

ოფიციალურ დასკვნაში არაფერი იყო ისეთი, რომელსაც ბუშის ადმინისტრაცია არ ეთანხმებოდა. (ძალიან გავს სააკაშვილის ჯიბის ექსპერტების დასკვნებს, რომელთაც შემდგომ მთელი ნაციონალური მოძრაობა “ო, შიკაკა!”_ს პრინციპით ეთანხმება)

მიზეზი 78:

7 ივლისი, 2005 წელი, ლონდონი. აფეთქდა ერთი ავტობუსი და 3 მატარებელი; დაიღუპა 56 ადამიანი. ამ დილითვე დაგეგმილი იყო, ანტიტერორისტული სწავლებები, რომელიც გათამაშებული იყო იგივე სცენარით, ეს სწავლება მიმდინარეობდა იმავე სადგურზე, იმავე დროს.
ამ ფაქტს ამტკიცებს პეტერ პაუერის აუდინო ჩანაწერი, რომელიც გახლდათ მთავარი კონსულტანტი, უსაფრთხოების დეპარტამენტის:
“იყო დილის 10_ის ნახევარი, მიმდინარეობდა სწავლება, რომელშიც 1000_ობით ლონდონელი მონაწილეობდა; სცენარის მიხედვით, იმავე სადგურზე, ერთდროულად რამოდენიმე ბომბა უნდა აფეთქებულიყო; ახლაც კი, როცა ამას ვიხსენებ, თმები ყალყზე მიდგება.”  (დაუჯერებელია, ანალოგიური სწავლება მიმდინარეობდა 11 სექტემბერსაც - კომენტარი ავტორისაა)

მიზეზი 79:

ნომერ მე-7 შენობა დაინგრა ისე, რომ არ დააზიანა 10 მეტრში მდგარი არცერთი შენობა. ასეთი ნგრევა, მხოლოდ პროფესიონალური, კონტროლირებადი აფეთქების დროს ხდება.

მიზეზი 80:

ნომერ მე-7 შენობაშიც იპოვეს გამდნარი მეტალის ნარჩენები.

მიზეზი 81:

ასევე ნომერ მე-7 შენობის ნარჩენებში აღმოჩნდა გოგირდის და ბორის ნაწილაკები, რაც მხოლოდ ასაფეთქებელი ნივთიერების, ტერმიტის შემადგენელი ნაწილებია.

მიზეზი 82:

ყველა თვითმხილველი, ვისაც საპირისპირო აზრი ჰქონდა, არ იქნენ გამოძახებულნი მოწმის სტატუსით სასამართლოში; არც კი დაურეკეს მათ.

მიზეზი 83:

ყველა თვითმხილველი, რომელთა ამსახველი ვიდეო კადრებიც მოგვიანებით გამოჩნდა ტელევიზიაში და ინტერნეტ სივრცეში, ამბობს ერთსა და იმავეს, რომ გაიგონეს თანმიმდევრული, ძლიერი აფეთქებების ხმა, მას მერე, რაც ორივე თვითმფრინავი უკვე დაჯახებული იყო შენობებს და მანამდე, სანამ პირველი შენობა ჩამოიშლებოდა.

მიზეზი 84:

2001 წლის აპრილში, ფედერალური ბიუროს ერთ-ერთი ირანელი თანამშრომლის მიერ, მოპოვებულ იქნა მასალა, სადაც საუბარი იყო, ტერორისტულ აქტზე, რომელსაც ალ ქაიდა ჩაატარებდა ამერიკის 5 ქალაქში და სადაც გამოყენებული იქნებოდა თვითმფრინავები. გადის 5 თვე და  ყოველივე ამის შემდეგ, აშშ_ს მთელი სამთავრობო ადმინისტრაცია აცხადებს, რომ წარმოუდგენელი იყო, თვითმფრინავები შეჯახებოდნენ შენობებს.

მიზეზი 85:

ყველაზე საოცარი ის არის, რომ ამ წერილის წაკითხვიდან შეიტყობს საქართველოს მოსახლეობის უმრავლესობა, რომ საერთოდ, 47 სართულიანი, 150 მეტრის სიმაღლის, მე-7 ნომერი შენობა არსებობდა და რომ ისიც იმ დღეს დაინგრა, მიუხედავად იმისა, რომ მას არავითარი თვითმფრინავ არ შეჯახებია.

მიზეზი 86:
ესპანეთი, ქალაქი მადრიდი. 2005 წლის 13 თებერვალი, უინძორის 32 სართულიან 106 მეტრის სიმაღლის ცათამბრჯენში გაჩნდა ხანძარი. ხანძარი იმდენად გაძლიერდა, რომ 20 საათის განმავლობაში გრძელდებოდა და 11 სექტემბერს “ტყუპებში” გაჩენილი ხანძრისგან განსხვავებით, იწვოდა მთლიანი შენობა, მთელს სიგრძეზე. ვიმეორებ ხანძარი გრძელდებოდა არა 40 წუთი ან 1, ან 2 საათი და არა რამოდენიმე სართულზე მხოლოდ, არამედ მთელი 20 საათის განმავლობაში იწვოდა ყველა სართული, თავიდან ბოლომდე. ცეცხლის მაქსიმალური ტემპერატურა იყო 800 გრადუს ცელსიუსი, რაც 100 გრადუსით მეტია “ტყუპებში” გაჩენილი ხანძრის ტემპერატურაზე. შენობა არ დაინგრა. მოგვიანებით, ხანძრის ჩაქრობის შემდეგ, ის კონტროლირებადი აფეთქების საშუალებით დაანგრიეს.
    ხანძრის მიზეზით, ოფიციალური ვერსიით, 11 სექტემბრამდე, არცერთ შენობაზე არ დადასტურებულა ჩამონგრევა. არცერთი მრავალსართულიანი შენობა არ დანგრეულა ხანძრის მიზეზით. ეს კიდევ უფრო ეჭვის ქვეშ აყენებს ოფიციალურ ვერსიას. მე ვიტყოდი, არა კიდევ უფრო, არა, ეს რბილად ნათქვამია, ზემოთმოყვანილი მაგალითის საფუძველზე ვასკვნი, რომ ოფიციალური ვერსია მტკნარი სიცრუეა.
აქ შეგიძლიათ ნახოთ ეს შემთხვევა. http://www.youtube.com/watch?v=nz-WVJ0zeXE&feature=related

მიზეზი 87:

ბობ მაკილვეინი, რომლის შვილიც დაიღუპა შენობაში, აცხადებს: “პატრულის თანამშრომელმლებმაც კი არ იცოდნენ, რომ მე-7 ნომერი შენობაც დაინგრა, რადგანაც ამას არ აშუქებდა მედია, მაშინ როდესაც პირველი კოლაფსისას მთელი ფოქს ნიუსის ოპერატორები იქ იყვნენ.”

მიზეზი 88:

მოიპოვება ფოტომასალა, სადაც ნათლად ჩანს ნულოვანი სართულის კოლონები, რომლებიც დახრილად არის გადაჭრილი და მის კედლეებზე ჩამომდნარია მეტალი, ასეთ ჭრას აკეთებენ ამფეთქებლები, კონტროლირებადი აფეთქების შესასრულებლად.

მიზეზი 89:

შენობების კონსტრუქცია უძლებდა ყველაზე დიდი ქარიშხლის ინტენსიურ ზემოქმედებას, ექსპერტებმა დაადგინეს, რომ შენობისთვის თვითმფრინავის ერთჯერადი შეჯახება არაფერია იმ წინააღმდეგობასთან შედარებით, რასაც ქარიშხალი წარმოქმნის.

მიზეზი 90:

შენობების ბადოვანი მეტალის კონსტრუქცია, განაპირობდებდა მის სიმყარეს; როგორც ფანქარი, რომ შეარჭოთ მწერებისგან დამცავ ფანჯრის ბადეში: გაიხევა კონკრეტული ადგილი, სადაც ფანქარი შეერჭობა, ხოლო მთლიანი ბადე ურღვევი რჩება.

მიზეზი 91:

1975 წელს იგივე შენობაში მოხდა ხანძარი, რომელიც რამოდენიმე სართულს მოედო, მაგრამ შენობა არ ჩამონგრეულა.

მიზეზი 92:

ყველა კომპიუტერული იმიტაციის დროს ერთი და იგივე შედეგი დაფიქსირდა:  შენობები არ ჩამოინგრა, არც 55 წუთში, არც 1 დღეში, არც 2 დღეში და არც 2 წელიწადში.

მიზეზი 93:

ერთ-ერთ ვიდეო მასალაში, ისმის აფეთქებების ხმა ჩამონგრევის მომენტში, სართულ-სართულ.

მიზეზი 94:

საავიაციო საწვავის წვის ტემპერატურა 700 გრადუს ცელსიუსით ნაკლებია მეტალის დნობის ტემპერატურაზე.

მიზეზი 95:

თეთრი კვამლი, რომელიც ყველაზე თვალშისაცემი იყო 11 სექტემბერს ტყუპების ნგრევის დროს, რაც მთელმა მსოფლიომ იხილა, სხვა არაფერი იყო, თუ არა კონტროლირებადი აფეთქების შედეგად დაფხვნილი მეტალი, რომელშიც გამოერეოდა დამდნარი მეტალის წვეთებიც.

მიზეზი 96:

სურათი, რომელიც მივიღეთ, ის რომ უმრავლესობას გონია, თვითმფრინავების შეჯახებისგან ჩამოინგრა შენობა, არის მას-მედიის დამსახურება, რომლის საშუალებითაც, კოლაფსის მომენტში, ხდებოდა ინტენსიური ჰიპნოზირება ადამიანების, ტელევიზიის საშუალებით.

მიზეზი 97:

“ტყუპების” ჩამონგრევის 100 შედარებიდან, 99 ემთხვევა კონტროლირებადი აფეთქების შედეგად ჩამონგრევას.

მიზეზი 98:

რატომ ჩამოინგრა მეორე შენობა უფრო ადრე, როცა პირველს, 15 წუთუთით ადრე შეეჯახა თვითმფრინავი?

მიზეზი 99:

ლინ სიმფსონი, გადარჩენილი ქალი, რომელიც 11 სექტემბერს იმყოფებოდა მსოფლიო სავაჭრო ცენტრის ჩრდილოეთი შენობის 108_ე სართულზე, ყვება: “ვუყურებდი სავაჭრო ცენტრი როგორ იშლებოდა (ის იმყოფებოდა ჩრდილოეთ შენობაში რომელიც ბოლოს ჩამოინგრა) სართუ-სართულ, თითქოს მას საყრდენი გამოაცალესო და ეს ხდებოდა სულ რაღაც წამებში.”