თქვენ სევდის პრინცი თუ უფლისწული,
ან სიყვარული პეპელას ფრთებით
მოდიხართ ჩემთან, და მინთებთ სურვილს,
და მარტო მტოვებთ ჩემივე ნებით.
დასიცხულ ბაგეს აბაცებს სუნთქვა,
რომელიც ახლაც ეძებს სათავეს,
თქვენ თითქოს ცრემლებს მიბრუნებთ
ხურდად
და ჩემს ქალობას არგებთ სადავეს.
მერე და მერე წავალ და ალბათ
ველური ქარნი არ დამკარგავენ.
პატრუქს გადავწვავ და მხრჩოლავ ლამპარს
ჩვენი ლანდები თუ დალანდავენ.
მე უარმყოფელს თუ უარყოფილს
სადმე მარტივად გადამხატავენ,
ამიტომ გპარავ ჩემივე ყოფის
და შენთან ყოფნის სურვილს ახლავე.