ერთი ნაბიჯი მხოლოდ
გიჟსა და ჭკვიანს შორის
ფიქრი გაფრენილ წლებზე
და დეპრესია მოდის
ხარბად ჩასუნთქულ ნაფაზს
კვამლით გაჭვარტლულ ფილტვებს
გადავიწყებულ სატრფოს
და დეპრესია მიტევს
საათზე ისრის ბორგვას
დამშვიდობებულ ბალიშს
სარკეში უცნობ სახეს
გაუპარსავს და წაშლილს
ჩემზე გათოშილ ოთახს
მერცხლის ჩამოშლილ ბუდეს
გაზაფხული კი სადღაც
ათბობს ვიღაცის გულებს .....
ერთი ნაბიჯი მხოლოდ
გიჟსა და ჭკვიანს შორის
ფიქრი უფერულ გზებზე
და დეპრესია მოდის