ყაყაჩოთა ჯარი მოგვდეს,
ბორბლებს მიაქვთ ჩვენ გზები,
ჩქარა, ჩქარა მოგვძახიან
ოქროსფერი სათიბები.
აქეთ-იქით მწვანე მთები,
ჩანჩქერები, კლდე-პირები,
ყვირილა და რიონწყალი,
წყალწითელას ნაპირები,
მოვიჩქარი შენკენ, ერთო,
იმერეთო, ჩემო მხარე,
საზღაპრო და სალეგენდო,
სამოთხეს თუ შეგადარებ,
წინაპართა სისხლი ყივის,
მიწა ამბობს თავის სათქმელს,
იმერეთო, ქვეყნის გულო,
შენს ამაყ მთებს ვენაცვალე!