მზეო, ამოდი, მომაგებე დიდება დღისა,
ღამის ლანდებმა მომაბეზრეს საკმაოდ თავი,
ათას ფერებში დამანახე ფურცლობა ვაზის,
იქნებ ჩამოვხსნა ფარისეველ ქვეყანას შავი.
დღეო ნათელო, ბრწყინვალე ხარ, როგორც არასდროს,
ჩემი ოცნების იალქნები მიცურავს ცაზე,
მინდა მათ გავყვე, ჩავიძირო მოგონებებში,
ბავშვობის ნატვრას, გავიზარდო, დაედო ფასი:
ცას მინდა მივწვდე,ნაკვალევი თითების ჩანდეს,
როგორც ღრუბელმა შევიწოვო ქვეყნის ფიქრები,
ჩემი სამშობლოს გული ძგერდეს, ღმერთმა აცოცხლოს,
აღარასოდეს დაფარვოდეს შავი ნისლები.