კიდევ უნდა ახლოს მოიწიო,
კიდევ უფრო უნდა მომიახლოვდე
და კიდევ....

უნდა გაშალო ხელები და ალბათ მეც გავშლი,
მერე რა რომ ავტალახდით ამ ყველაფრისგან?!
ცრემლიან წვიმებს აღარ უჩანს ახლა საშველი
და უპეებს ატალახებს  დაღამებისას...

კიდევ უნდა ახლოს მოიწიო,
კიდევ უფრო უნდა მომიახლოვდე
და კიდევ....

ერთმანეთს უნდა შევაზილოთ ჩვენი ტალახი,
გარემო, მტვერი, ნაწილაკთა მთელი ერთობა,
მე ახლა შენთან სულ არ მინდა მსგავსი კამათი.

კიდევ უნდა ახლოს მოიწიო,
კიდევ უფრო უნდა მომიახლოვდე
და კიდევ....

ასე გრძელდება უსასრულოდ ჩვენი ცხოვრება,
სანამ ღამეა  ყველა გესვრის თითოჯერ ტალახს,
როცა თენდება სათითაოდ ყველა გშორდება...