მე დღეს ვიგრძენი, მე დღეს მივხვდი და მე დავინახე..
კიდევ ერთხელ და ყველაზე დამაჯერებლად, ყველაზე ორგანულად..
რომ ისინი უნარ"შეზღუდულები" კი არა, უნარუსასრულოები არიან!
მათ ყველაზე სიღრმისეული, ყველაზე გულსუფთა და ყველაზე ნიჭიერი უნარი აქვთ სიხარულის განცდისა..
კეთილშობილი თვალებით ბრწყინვალებისა..
სპეტაკი სულისკვეთებისა..
უმწიკლო უბრალოებისა..
სათუთი გულწრფელობისა...
უბადლო სიხალასისა..
შინაგანი სიკამკამისა...
მათში მომადლებული სითბოს გაჟღერებისა, გამოკრთომისა, გაჩუქებისა...
და რაც მთავარია, მათ აქვთ უნარი უნარიანობისა!
ეს უნარი კი იმაზე გაცილებით წმინდა, გაცილებით უბიწო და ბევრად უფრო ღონიერია, ვიდრე შეიძლება ჰქონდეს უნარ"შეუბოჭავ" ადამიანს..
პირიქით!
ეს ჩვენ ვართ უნარდაბორკილები, უნარდალუქულები...
რადგან ჩვენ არ გვაქვს უნარი,ჩვენში კეთილმიდრეკილი უნარებით ვჯობნიდეთ ბოროტმოქმედ უნარებს..
მათში კი რაიმე ბოროტული წარმონაქმნიც კი არ ჭაჭანებს..
მხოლოდ ეს განგვასხვავებს ჩვენ...
და მე დღეს ვიგრძენი, მე დღეს მივხვდი და მე დავინახე..
რომ მე არავინობა ვარ მათ წინაშე!