სამი წლის წინ , პირველად ჩემს ცხოვრებაში , გადავწყვიტე, რომ შობას სადმე ცხელ ქვეყანაში შევხვედროდი. ბავშვობიდან სულ იმაზე ვოცნებობდი, როცა გერმანიაში  ციოდა (და  მე სიცივეს ვერ ვიტანდი) ზამთარი სადმე თბილად გამეტარებინა.მაგრამ ამის შესაძლებლობა არ მეძლეოდა, ხან ფული არ მქონდა და ხან დრო.ჰოდა, სამი წლის წინ გადავწყვიტე, წავსულიყავი და შობას ავსტრალიაში შევხვედროდი. ახლა რატომ ავსტრალიაშიო? ყველაზე ეგზოტიკური ქვეყანაა და კენგურუების სიყვარული  ჩემი გეოგრაფიის მასწავლებლის დამსახურება იყო.(თვითონაც ჰგავდა კენგურუს)
  იმხანად გერმანელი ბოიფრენდი მყავდა,სახელად  გრეი.  მაშინ სამი თვის გაცნობილი ვიყავით, ერთმანეთს მხოლოდ შაბათ-კვირას ვხვდებოდით  და ურთიერთობებს ვარკვევდით, დანიშნულებიც არ ვიყავით.  მე როცა ბილეთები დავჯავშნე, მისი აზრი წამოსვლის თაობაზე  არ ვიცოდი.  რამდენჯერაც ტელეფონზე დავურეკე, ავტომოპასუხე ირთვებოდა.  კვირა საღამოს კი  როცა მასთან მივედი, გრეიმ პირდაპირ საწოლისკენ წამიყვანა...
მეც საუბარი დილისთვის გადავდე .
დილით  გრეიმ ყავა შემომიტანა.სათქმელი ყელში მქონდა გაჩხერილი, ყავის წრუპვას თავი დავანებე და  გაუბედავად დავიწყე:
---საყვარელო, შობას ავსტრალიაში ხომ არ შევხვდეთ, იქ ახლა ძალიან თბილა.ხომ იცი შენს ჩიტუნიას გერმანული  მკაცრი ზამთრის როგორ ეშინია?    სანტასა და ბიკინებიან ფიფქიებთან ერთად  ნამდვილ სამოთხეში ვიქნებით.

(დამავიწყდა მეთქვა, გრეი გერმანელი კათოლიკეა, საკმაოდ კონსერვატორული ოჯახიდან)
----შობას ძვირფასო მeyრი,  დედასთან უნდა შევხვდე, ჩემს დედასთან და ოჯახის წევრებთან ერთადო , საშობაოდ მომზადებული ბატის კურტუმო რომ არ მივირთვა, ისე როგორ იქნებაო.-- აქამდე ჩემ სახელს ისე ლამაზად ამბობდა,  სულ მომწონდა ხოლმე, მაგრამ ახლა პირი ისე დაღრიჯა, გული შემიწუხდა.
---აბა ამ ბილეთებს და უფრო მეტად კი ჩემს სურვილს რა ვუყო მეთქი?
---იქნებ ვინმე მეგობარი, მსურველი გამოჩნდესო---დამაკვალიანა გერმანულად.
----ხო, მაგრამ  მხოლოდ ერთი დღე დარჩა ---უკვე 23 დეკემბერი იყო.
----შენი ჭკვიანი თავის იმედი მაქვს, მოიფიქრებ რამესო...საჩუქარი დამიტოვა და სამსახურში წავიდა.
  (წადი შენი--შევაგინე ქართულად)

ბევრი ფიქრი არ დამიწყია, ოფისში სადაც ვმუშაობდი, ერთი ახალგაზრდა ესპანელი დადიოდა.ვიცოდი , კარგად
მღეროდა და გიტარაზეც უკრავდა. რაღაცნაირად ერთმანეთს ვუგებდით. იმ დღესაც ჩემი სურვილი მას  ვუთხარი:
----ვოცნებობ ავსტრალიაზეო...

დაჯერება გამიჭირდა:

---შობას წამოხვალ ჩემთან ერთად მეთქი?---ჩავკითხე.

---სი, სიო--- სასურველი თანხმობა გაიგონა ჩემმა ყურებმა, მხოლოდ ფული არ მაქვსო, უხერხულად გაიკრიჭა ტუტო.
---მე გეპატიჟები--გამოვიდე თავი---დიდი იმედი არც გრეისგან მქონდა, რომ რამეს გადამიხდიდა.
---გრეი, ძვირფასო, ხვალ მივფრინავ ახლობელთან ერთად- ---მივწერე ქართველის  პასუხისმგებლობის გრძნობით.

---ოკეი--მომივიდა საპასუხო მინიმა.  არც უკითხავს " ვისთან ერთად," არც "მარტო ხომ არ მიდიხარ"....

მე და ტუტომ დავთქვით, რომ ერთმანეთს აეროპორტში შევხვდებოდით და  მას თავისი ნივთები არ უნდა დავიწყებოდა (რაცხანაირად გურულები და ესპანელები აბდლობით კი გვანან ერთმანეთს).


მე  დედაჩემის რეცეპტით ქადები დავაცხე, რომ ჩასვლისთანავე რამე გვეჭამა და ბარგი ჩავალაგე. დავიტვირთე უამრავი საბანაო კოსტუმებით, რუჯის საცხებით და ზღვის სხვადასხვა  ატრიბუტიკით.

თვითმფრინავში პირველად არ  ვიჯექი, მაგრამ ოკეანეზე რამდენიმესაათიანი ფრენისთვის მზად არ ვიყავი. ტუტო ჩემ გვერდით უხერხულად იჯდა...მე კი გული ამერია და მის ხელებში რამდენჯერმე მოვისაქმე.
---ნოუ პრობლემ---მიღიმოდა ჩემი უხერხულობის გასაფანტად.

  როგორც იქნა სიდნეიში ჩავფრინდით და  სასტუმროს მივადექით. ნომერი რა თქმა უნდა ერთი მქონდა დაჯავშნული და მე და ტუტო რაცხაფერად  მოვთავსდით ერთ საწოლში. უკომპლექსო ესპანელს  ეს არ ანაღვლებდა და მე მეტი გზა არც მქონდა, ეს ბიჭი ისედაც ჩემ ხარჯებზე იჯდა.
  საღამომდე პლაჟზე გასვლაც უნდა მოგვესწრო და გართობაც, ღამით კი 12 საათზე სანტებთან და ფიფქიებთან ერთად უნდა შევხვედროდით შობას. ნამდვილმა ცხელსისხლიანმა  ტუტომ წელსზემოთ ტანი მოიხატა, გიტარა იქირავა და სანაპიროზე  ღიღინს შეუდგა.
ბანაოობა ძალიან  მესიამოვნა, თბილი წყალი, მზის აბაზანა ამ შუა ზამთარში.  ტუტოს წყალში ჩასვლა საღებავების გამო აღარ უნდოდა, ჩამორეცხვის ეშინოდა. ამიტომ ნაპირზე მელოდა და ამოსვლისას ზურგზე რუჯის ზეთს მისვამდა ხოლმე. თან ქადებს ახრამუნებდა.დრო მართლაც შესანიშნავად გავატარეთ.სასტუმროში დაბრუნება არც გვინდოდა.
  ტუტო პლაჟზე ისეთი პოპულარული გახდა, ბიკინებიან სანტაზე მეტად ფოტოებს ტურისტები მასთან იღებდნენ. მე ცოტა კი მშურდა, მაგრამ თავს ვიკავებდი.  თუმცა ის ნამდვილი ჯენლტმენივით  იქცეოდა და გვერდიდან არ მცილდებოდა. მერე სანტას წითელი ქუდი მიყიდა და ორივე ერთად დავქროდით სანაპიროზე. ფოტოებს ვიღებდით , ტუტო მღეროდა და ცოტაოდენი ფულიც კი გავაკეთეთ.სასტუმროში ისეთი კარგად  ნასვამები და აკუნტრუშებული მივედით, რომ ცალცალკე საწოლიც ვერ შეუშლიდა ხელს  ჩვენს ერთად ყოფნას.  ტუტო  ჩამეხუტა და ...  ჩემთვის ხელი არ გაუშვია დილამდე.
მოკლედ, მეორე დილით უკვე შეყვარებულებს გაგვეღვიძა...

გრეის ფოტოები ინტერნეტით გადმოვუგზავნე...
----რა კარგი სანტა შეგხვედრიაო--- მომწერა მან.
---აქ ისე თბილა , კიდევ რამდენიმე დღე დავრჩები მეთქი---დავუreplay მე.
---არა, მeyრი დიდხანს ვერ გავძლებ უშენოდო---ბედის ირონია გამოკრთა ამ წერილში.
სამი დღე დავრჩით , ტუტო სანაპიროზე მღეროდა, დავხტოდით და ვგიჟობდით , თან ფულს ვშოულობდით, უკვე
საკმაოდ ბევრს.    ბიკინებიანი  სანტა და ფიფქიები უკვე  ჩვენ ვიყავით...

  წამოსვლის დრო რომ დადგა, ტუტომ წამოსვლაზე უარი განაცხადა, აქ კიდევ დავრჩები, ფულს კარგად ვაკეთებო.სიმღერით ესპანეთში ფული მე ვერ ვიშოვე და ავსტრალიაში კარგად იხდიანო(მართლაც შესანიშნავად მღეროდა).როცა ჩამოვალ აუცილებლად გნახავო.
----წადი შენი გურულსმიმსგავსებული ესპანელი დედაც მეთქი---წავისისინე და სასტუმროში  დავტოვე. (ანკი  რა უნდა მექნა.)
აქეთობისას  თვითმფრინავში  სხვა მეზობლის ხელებში მომიწია მოსაქმება.

    გრეი აეროპორტში არ დამხვედრია, მაგრამ როცა პირველივე  შაბათს მასთან მივედი, ჩამეხუტა და გულიც ამიჩუყა მისმა  "თავგადაკლულმა"  სიყვარულმა. მერე საწოლისკენ წამიყვანა და პირველად არ იხმარა პრეზერვატივი.

    ერთ თვეში  აღმოვაჩინე, რომ ფეხმძიმედ ვიყავი.  ჩემი გოგონა ახლა 2 წლისაა და უკვე მესამედ ვხვდებით შობას
სამივე  ერთად: მე , გრეი და  პატარა ტიტუნია.