ავტორი: თემო ჭახნაკია
ჟანრი: პოეზია
ჩემი შეფასება: 2

ძალიან კარგად წერ ..... !

საინტერესოა. ++

რაიყო? ხო არ გეწყინა? რა კავშირის დასასრული? :დ ლიტსაიტია ეგ და თუ ორმხრივი არის მოსმენა არ გინდა რატო ტვირთავ? არ მომეწონა და გითხარი რაც არ მომეწონა ის, თუ გამოასწორებ შენ იცი, თუ არა და ჩემთვის ეგ პრობლემას არ წარმოადგენს ნამდვილად. ნუ აღიქვამ შეფასებას მძაფრად, იმუშავე და გამოგივა!!!

ცა იღბლიანი

ბერწი ქალივით ნაღვლიანი ცა თვლემს ამაღამ,
შავ-ბნელ ძაძებში,უმთვარეო და უვარსკვლავო,
მშფოთვარე ჩრდილი უცახცახებს-კაეშნის დამღა,
ბედზე მწყრალია აფსუსს ამბობს და უარს კვლავო,
უარს ყოველგვარ ცხელ წვიმაზე მას სწამს სინათლის,
წარმტაცი ბრწყინვის ღრუბლებში რომ აგვიანდება,
არ სჯერა ბედის,მქისე ბედის,მკვდრებს რომ მიათვლის,
სხივის ლანდს ნატრობს, მხნე ქალური აკვიატება,
სიქუფრის წიაღს,ბნელშიც უჩანს ამშფოთვარება,
ზეცა გადაღრღნის გაბრწყინების გამო ამ ლაგამს,
ელავს, ციალებს გამომძვრალი ბნელში მთვარე და
ცამ უკვე ტრფობის ვარსკვლავებიც გამოალაგა.

სუსტი ლექსია, შევეცდები სათანადო არგუმენტებიც შემოგთავაზოთ:
1. მშფოთვარე ჩრდილი უცახცახებს- კაეშნის დამღა - დამღა, სტატიკას გულისხმობს, ის დაკრულია და ვერ იცახცახებს, ამიტომ, მოცახცახე ჩრდილთან ერთიან კონტექსტში ვერ მოიაზრება, თან ცა თუ უმთვარეო და უვარსკვლავოა, მაშინ საიდან გაჩნდა მისი "მოცახცახე ჩრდილი", ჩრდილის გაჩენას, მოგეხსენებათ, გარკვეული, თუნდაც მკრთალი შუქი ჭირდება. ჩემი აზრით, ასეთ "შავბნელ" ღამეში ცას ჩრდილი ვერ ექნებოდა...
2. "ბედზე მწყრალია, აფსუსს ამბობს და უარს კვლავო" - ამ პწკარში სამჯერ არის ბედის უარყოფა, თუ ეს მომდევნო სტრიქონებში ემოციის გასამძაფრებლად ჩაიფიქრა ავტორმა, სამწუხაროდ, ასეთი შედეგი ვერ მივიღეთ..."აფსუსს ამბობს" - ეს ფრაზაც, ვფიქრობ, არაპოეტურია...
3.წარმტაცი ბრწყინვის ღრუბლებში რომ აგვიანდება - მოკრძალებით მინდა შევახსენო ავტორს, რომ ღრუბელი არ ბრწყინავს, აქედან გამომდინარე, ვერც "წარმტაცი" იქნება აღნიშნული "ბრწყინვა"...
4 "სიქუფრის წიაღს ბნელშიც უჩანს ამშფოთვარება,
    ზეცა გადაღრღნის გაბრწყინების გამო ამ ლაგამს," - მოდით, განვიხილოთ ეს ორი სტრიქონიც: - თუ სიქუფრის წიაღია, მაშინ როგორ ჩნდება გაბრწყინება? ზეცა ღვთის საუფლოა, სულიც ზეცაში ადის,ზეცა გარკვეულად თავისუფლების სიმბოლოც არის და მას ვერანაირი ლაგამი ვერ ექნება, ამიტომ გაუმართლებლად მიმაჩნია ზეცის მხატვრული სახის აღნიშნულ კონტექსტში გამოყენება.
ჩემი კეთილი რჩევაა, ლექსის აზრობრივ მხარეს მიაქციოთ ყურადღება, კარგ ლექსს აზრისა და ფორმის ჰარმონია ქმნის!!!
ნუ შემომწყრებით ავტორო, ასეთი დაწვრილებითი ანალიზისთვის, მე მხოლოდ აზრი გაგიზიარეთ, მიუხედავად ჩემი არც თუ პატარა ასაკისა, არაერთხელ მიმიღია და გამითვალისწინებია ჩემზე გამოცდილთა რჩევა-დარიგება...
კეთილი სურვილებით!!!

  ცა იღბლიანი თავიდან სონეტი მეჩვენა და თავიდანვე სონეტისთვის განვეწყვე ალბათ ამიტომ ბოლოში რაღაც დამაკლდა, რაღაც ფინალს ითხოვს თითქოს ( ჩემი პირადი შთაბეჭდილებაა). აფსოლუტურად ვეთანხმები ნემეზიდა ნემეს, შენ საკუთარი ხელწერა გაქვს, რაც ჩემი აზრით ძალიან მნიშვნელოვანია... რაც შეეხება ვერლიბრს, კარგი ვერლიბრის შექმნა მართლა ძალიან რთულია, პირადად ჩემთვის ასეა.
საერთო ჯამში მომეწონა, ყოველთვის, რაღაც შენებური მუხტი მოგაქვს...

მახსოვს ამ ბიჭის რეაქცია ჩემგან მისი ლექსის კრიტიკაზე. თუმცა, როგორც ჩანს, მხოლოდ ჩემს კრიტიკას არ აღიქვამს მძაფრად :)

სალვადორ ერთი კომენტარით შემოვიფარგლები აქ:)
ვერლიბრს,ვერბლანს,პროზლიბრსა და კონვენციურ ლექსს მჯერა,რომ ერთმანეთიდან ანსხვავებ.რომელი უფრო ძნელი დასაწერია ეგ კონკრეტულ ავტორზეა დამოკიდებული და ასე ზერელედ თქმას მოერიდე.

დანარჩენი იუმორია.კავშირის დასასრული.

ჩემი პოეზია ფესვს ვერ გაიდგამს ამ საუკუნეში
ლექსებს ჯალათები დაკლავენ ბასრი სიტყვებით,
ღმერთმა დამსვა უკუნეთში,მე უნდა ვენთო
და ჩემს ნაკვალევს ბევრი გაჰყვება სინათლისაკენ......ეს გამოვარჩიე.

რა მთავარია,შენ შენ ხარ_გაქვს საკუთარი ხელწერა,კარგი სახეები და რითმები.
წარმატებებს გისურვებ + +

ვერლიბრი ____ იმაზე ძნელი დასაწერია ვიდრე კლასიკური ლექსი, ამიტომაც ავტორს ვურჩევ, რომ უფრო მეტი წაიკითხოს ვერლიბრის შესახებ და მერე უწოდოს ტექსტს პოეზიის ჟანრი,

ტექსტი ისეა აწყობილი, რომ 1-2 საუკუნის წინ დაწერილი გეგონება, ესეც ბევრად ასუსტებს.