"შენს სიზმარივით ლურჯ თვალებზე
სიბნელის ლაქა რომ შევამჩნიე
უცაბედად ძილი მომინდა"

1. ა რ ა
გარეთ სიცივეა. ღრუბლები კანკალით
ერთმანეთს იკრავენ გულში.
მთვარე დაეკიდა კანდელივით.
კარგი დარი იყო გუშინ.
დღეს კი ყველაფერი თითქოს აირია.
1."აირია აი რა:
არია აირია,
აირი-არა"
2."იარა?"
1."არა, იარა კი არა
არია."
გარეთ კი სიცივეა
და ქარია.

2. შ ი შ ი
შიშიანს
შემოესმა
შ ი შ ი ნ ი:
"შინ შემოდიო,
შინ-შინო"

3. შ ი შ ი - 2
შუბი
შიგ შუბლში
შეუტოვა.
შარას
შეუყვა.
"შე უღვთოო"