რატომ ვწერ მინორში? ალბათ რაღაც მტკივა,
ვიცი ხასიათიც უკვე შემეცვალა,
კარგად დავუფიქრდი გავლილ ბილიკებს და,
ვხვდები ცხოვრებაში ბევრი შემეშალა.


მაგრამ უცოდველი ნეტავი ვინ არის,
არ მაქვს პრეტენზია უფალს მივედარო,
იქნებ მოხვიდე და შენთან წამიყვანო,
ცათა სასუფევლის უკვდავო მხედარო.


თუ უცოდველი ხარ მოდი და მესროლე,
ვინც არ უნდა იყო, არ აქვს მნიშვნელობა,
ყველამ მომიტევეთ თუ რამე შეგცოდეთ,
როცა გამაცილებთ მითხარით შენდობა.


რატომ მტკივა სული ვეღარ გამიგია,
თვალებს უძილობა რად დაეპატრონა,
მე ხომ გულის კარი თქვენთვის გამიღია,
არადა ჩემს ხელებს ტყვიის სურს გასროლა.


ღმერთმა დამიფაროს, არ თქვათ რომ ვწუწუნებ,
უბრალოდ ვერ ვიგებ სიმართლე სად არის,
"საზოგადოებავ" გამოდი ცენტრში და
თქვი შენ რომელი გყავს იესოს სადარი.


ალბათ მკრეხელობა მაინც არ გეყოფა,
გამკიცხავ, განმსჯი და თან დასჯას ეცდები,
მე ეგ არ მაშინებს, ღიად გეუბნები,
ვინც მკიცხავთ, - არავის მოსჭამოთ ფეხები.


ჰა უცოდეველებო თქვენი ხმა არ მესმის,
მოდით დაუდექით გრიგალს ამ ქვეყნიურს,
მინორით დავიწყე, მაჟორზე ვამთავრებ,
და სულაც არ ვეძებ დიდებას ზეციურს.