რთულ დროში მიწევს ცხოვრება,
თუმც ჩემთან არის უფალი,
მსურს საქართველო ვიხილო
ლაღი და თავისუფალი.
გვირაბის ბოლოს სინათლე
თუკი ჯერ კიდევ არა ჩანს,
რა ვუყოთ... რაც მთავარია
ქართული სული გადარჩა.
თუმც ვაღიარებ: წინ და წინ
ვერ წავიწიეთ ღმერთმანი,
სამწუხაროა... ხშირ-ხშირად
გულებს ვერ ვუთბობთ ერთმანეთს.
მიუხედავად ყველაფრის
ისევ ვსუნთქავთ და ვჯანმრთელობთ,
სადაც არ უნდა წავიდე -
ვერ გავძლებ უსაქართველოდ.