შენ ხომ უბრალოდ სხვა ქალაქის მკვიდრი ხარ ახლა,
სულ სხვაა ხედი შენი ფანჯრის ფართო მინიდან,
ჩემს ქალაქში კი უშენობის გუბეებია,
ვცდილობ როგორმე ამოვყვინთო უშენობიდან.

ოქტომბერია ახლა ჩვენთვის მხოლოდ საერთო,
ჩემი ქალაქის მინუსებზე ვიწყებ საუბარს-
​უშენობით​ ​​​​​​და ყველაფერი შეუსაბამო
დაწყებულია რომ იცოდე უშენობიდან.

ნეგატივები მოყვებიან დაცვარულ ფიქრებს,
საცაა უკვე გამთენიის ტიტრებს აყვები,
რა მოხდა თუკი სხვა ქალაქის ქუჩებს აბიჯებ,
ბათუმიდანაც ხომ იცი რომ გვერდით დაგყვები.​​​​​​